Mpiin 9:16 - Uwumbɔr aagbaŋ

¹⁶ M yaa ti kan waapumanja lul kitaapaak ni kan, m ga teer tipuur ti kaa kpa ndoon aan m puu tii dulnyaa aawan nimɔk fu na aabɔr.”

Mpiin 9:16 Iomraidhean Croise

Mpiin 17:13

See ni mɔmɔk gii ŋichakpan, aan ni li ye limɔkl ke maah puu tipuur ti tii si na aa kpa ndoon.

Mpiin 17:19

Le Uwumbɔr nan bui u ke, “Ayii. Aapuu Sara le ga maa ubijabo tii si, le aa ga yin u ke Aisak. M ga cha tipuur ngbaan li bi m ni uma ni uyaabitiib mu aakaasisik ni, ki joo cha n‑yoonn mu kaa kpa ndoon na. Ti ye tipuur ti ga li bi cha, kaa kpa ndoon na la.

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 9:17

Uwumbɔr nan ki bui Nowa ke, “Waapumanja le ye tipuur ngbaan aamɔkl, ki bi m ni dulnyaa aawan nimɔk fu na aakaasisik ni.”

2 Samuel 23:5

Kina le Uwumbɔr ga ŋa waanyoor ŋa n‑yaabitiib pu; ba pu? u puu tipuur ti kaa kpa ndoon na tii mi, kimɔbaan ki kaan bii na, tipuur ti kaan kpeln na. Kina baanja le m ban, nima le ga li ye maanyaŋ, le Uwumbɔr ga sil cha li dan.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Esekiel 34:26

“M ga ŋa maanyoor ŋa i pu ki cha i li bi maagongoln li bi chain na pu. Nima chee, le i yaa ban utaal kan, m ga tii i yaah ban pu na.

Esekiel 37:26

M ga puu tipuur ti ga tii bi lifuur ki ti saa n‑yoonn mu kaa kpa ndoon na tii bi. M ga maa bi kaan, ki cha bi pɔr kpee, ki di Maadichal siin baatiŋ pu, nin chee li ga li bi ki ti saa n‑yoonn mu kaa kpa ndoon na.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.