Mpiin 8:21 - Uwumbɔr aagbaŋ

²¹ Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

Mpiin 8:21 Iomraidhean Croise

Mpiin 3:17

Le Uwumbɔr bui uja ngbaan ke, “Saah ŋun tii aapuu ki yii maamɔb ki jin ŋisubil ngbaan na, m puun lii kitiŋ pu. Aa ga tun ki kan falaa le ki nin kan tijikaar ji.

Mpiin 4:12

Le aa yaa ki ko kan, kitiŋ aan ŋa tijikaar mbamɔm ki tii si, le aa ga li gonni, ni kookoo, ki ga li ye uchayiin dulnyaa wee ni.”

Mpiin 5:29

le ki bui ke, “Uwumbɔr aah puun lii kitiŋ pu na, ubo umina pu, le ti ga kan lifuur timi aafalaa ni,” le ki yin u ke Nowa.

Mpiin 6:13

Uwumbɔr nan bui Nowa ke, “M ga kuln unibɔn. M ga bii tiwan mɔmɔk doo, ba pu? baatunwanbir le gbii dulnyaa mɔmɔk ni.

Mpiin 6:17

M ga tun ni nwam dulnyaa wee ni, mu nan bii tiwanfuurkaan mɔmɔk. Tiwan nimɔk bi dulnyaa wee ni na ga kpo.

Mpiin 6:5

Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen,

Mpiin 6:7

Le u bui ke, “M ga kuln unibɔn, ni ipeel, ni tiwakor, ni inyoon, ni tiwan ni fu na mɔmɔk; ba pu? nsui bii maah naan unibɔn aan u tun titunwanbir ti na pu.”

Job Aagbaŋ 14:4

Tiwanyaan nibaa aan ŋmaa nyan ni unibɔn, tijɔŋdaan ni.

Ilahn 51:5

N‑yoonn mu bi ma mi na, le m kpa titunwanbir, ki nyan nwiin mundaal bi ma mi na, le m ye titunwanbirdaan.

Ilahn 58:3

Titunwanbirdam tun tiwan ni kaa ŋan na le baamɔfal aayoonn mɔmɔk; bundaal bi ma bi na le bi piin ki geei inyamɔn.

Ilahn 58:4

Bi kpa liluul ke iwaa na la, le ki ŋeeb bitafal

Nnyam 29:18

ki see upihja ngbaan aanann mɔmɔk libimbiln ngbaan paab, aan ni li ye tijikaar aapiin aatork tii mi. Kitork ngbaan aanunun mɔ m chee.

Nnyam 29:25

aan aa ki gaa ti bi chee, ki di paan kitork ki bi kitork aabimbiln na paab ki see ti mmii, ni li ye tijikaar aatork aapiin tii mi. Kitork ngbaan aapiin aabaan nu mɔ m chee.

Ŋiyataŋak 20:9

Unii ga ŋmaa len ke waabimbin aa kpa tijɔŋ, ki bui ke u nyan titunwanbir ni ii?

Ulandaan 7:20

Ubaa aa bi dulnyaa wee ponn ni ki tun litunyaan n‑yoonn mɔmɔk kaa tun taani ubaa.

Aisaya 47:12

Li joo saanyɔk mɔmɔk, ki chaa bibɔɔb chee; saah fii ubo pu na le aa nan ŋani kina. Nibaakan, ni ga ŋmaa ter si siib; nibaakan, aa ga ŋmaa faan saadim.

Aisaya 47:15

Binib bi lik iŋmabi ki buu tibɔɔr aan aa di aabaa tii bi saamɔfal mɔmɔk ni na aan ŋmaa ter si. Bi ga san ki buen baah nyi nin chee na ki cha si, hali bi ponn ni ubaa aan gur ke u gaa si lii.”

Aisaya 48:8

M nan nyi ke naa ye binib bi unii ga gaa nimi ki kii na, ke unii mɔk nyi ni pu, ke ni ye binib bi kaa kii tii biken na la. Kina pu le naa ŋun kina aabɔr, nima le cha nitafal aa cheen kina aabɔr daalbaadaal.

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Aisaya 65:6

“M puun siin baatafadaan, ki ŋmee maah ga ŋa bi pu na bil. Maan suln baah ŋa pu na aabɔr, m ga teen bi

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

Jeremia 18:12

Bi ga gar ke, ‘Aayii, taan ŋa kina. Ti ga li beenin kpa tafalaaŋun, ki tun titunwanbir taah gee pu na la.’”

Jeremia 8:6

M pel suuna, le kaa ŋun ubaa len ibamɔn. Ni ponn ni ubaa kina aasui aa bii waabiin pu; ubaa le aa len ke, ‘M tun taani la.’ Ni mɔmɔk cha naah gee nin chee na ke utaan le aah san cha butɔb ni na.

Esekiel 20:41

M yaa nyan ni nimi maah cha ni yaa ki bi ntim mu ni na ki kuun nimi nan kpaan kan, n‑yoonn ngbaan le m ga gaa nimi aatork ki ni di see mmii ni tii mi na, le ŋitimbol ŋiken ga bee ke m ye chain la.

Liifai Yaab 1:13

Uja ngbaan finn ponn ni aawan, ni ŋitaajal, le utotoor ga di kitork ngbaan tii Uwumbɔr, ki see ti mɔmɔk libimbiln paab mmii ni. Tijikaar aapiin kina aaboln nu mɔ Uwumbɔr chee.

Liifai Yaab 1:17

U chuu wɔk li, ki taa nyan ŋipue, aan ki di see mmii ni, libimbiln paab. Tijikaar aapiin aatork kina aaboln nu mɔ Uwumbɔr chee.

Liifai Yaab 1:9

Uja ngbaan finn ponn ni aawan ni ŋitaajal, le utotoor u toor kitork na ga see kitork ngbaan mɔmɔk mmii, libimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 26:31

M ga bii nimi aatim doo, ki bii nin chee ni dooni ŋiwaa na, kaan gaa nimi aatork.

Liifai Yaab 4:31

U chuu nyan waakpan mɔmɔk, ke waah nyan kimɔbaan aatork aawakor aakpan pu na, ki di mu see mmii ni, libimbiln paab, aan ni li nu mɔ Uwumbɔr chee. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 8:28

Moses nan ki gaa ti bi chee, ki di paan kitork ki bi joo seer mmii ni na pu, libimbiln paab, ki see ti mmii, le ni ye baah kaani Uwumbɔr aatotoorb pu na aatork. Kitork ngbaan nan ye tijikaar aatork aapiin la, le ki nu mɔ Uwumbɔr chee.

Nkahm 15:3

Ni yaa ban ni toor kitork ki bi joo seer mmii ni na kan, ni ga ŋmaa di unaaja, bee upihja, bee upihsal, bee uŋoob ŋa kina tii mi. Ni yaa ban ni ŋa naah puu pu na, bee ni yaa ban ni tii mi nibaa aageehn aapiin buyoonn ni ban ni ji njim mu na kan, ni ŋa kina; tijikaar aatork ngbaan nu mɔ, min Uwumbɔr chee.

Matiu 15:19

Tiwan ni nyan binib aasui ni na le ye ilandak i kaa ŋan na, ni linikul, ni kidagook aatuln, ni kinaayuk, ni linyamɔngee, ni ŋisiibil.

Jɔnn 3:6

Unibɔn aah ma u na ye unibɔn la. Uwumbɔr Aafuur Nyaan aah ma u na ye Uwumbɔr Aafuur Nyaan yoo la.

Rom Yaab 1:21

Bi nyi ke u bi, ki mu aa nyuŋni u waah ŋeer pu na, ki mu aa dooni u waaterm pu. Nima le baalandak bee fam. Bisui ni bɔɔn la, kaa kpa nlan.

Rom Yaab 3:23

binib mɔmɔk tun titunwanbir la, kaa gbiin Uwumbɔr aanimbil.

2 Korenti 2:15

Ti mu bi Uwumbɔr chee ke tulalee aayon mu nu mɔ na la; ba pu? Kristo bi tisui ni. Binib bi ŋmar na ŋun waah nu mɔ pu na, ki kan limɔfal; ba pu? bi gaa u ki kii. Binib bi kaa ŋmar na mu ŋun ki kan nkun; ba pu? baa gaa u ki kii. Ubaa ga ŋmaa tun Uwumbɔr aatuln ubaa pu uu? Aayii.

Efesusi 5:2

Cha ngeehm li bi ni chee man, ke Kristo aah gee timi pu, ki kpo ti pu, ki ŋa kitork ki piir Uwumbɔr aasui, ki ŋa ti ni Uwumbɔr kijɔtiik na.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.

1 Jɔnn 5:19

Ti nyi ke ti ye Uwumbɔr aabim la, ki nyi ke dulnyaa aanib mɔmɔk bi kinimbɔŋ aaŋaal ni la.

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.