Mpiin 8:20 - Uwumbɔr aagbaŋ

²⁰ Nowa nan maa libimbiln tii Uwumbɔr le ki di tiwakor, ni inyoon i bi chain na ibaabaa, ki di i toor kitork, ki see i mmii ni, libimbiln ngbaan paab, tii Uwumbɔr.

Mpiin 8:20 Iomraidhean Croise

Mpiin 13:18

Le Abram buen ti kal isui sakpiin i bi yin i ke Mamre aasui na chee, Hebronn aatiŋ ni, le ki maa kitork aabimbiln, le ki doon Uwumbɔr nima chee.

Mpiin 13:4

ki maa kitork aabimbiln na. Le u doon Uwumbɔr nima.

Mpiin 22:2

Uwumbɔr nan bui u ke, “Di aajapɔɔn, u ye aajapɔnbaal Aisak, aan aa gee u sakpen na, ki di u buen Moria aatiŋ ni. Nima chee m ga mɔk si lijool libaa paab, aa di u toor kitork tii mi nima chee.”

Mpiin 22:9

Baah nan ti fuu nin chee Uwumbɔr nan mɔk Abraham na, le u maa kitork aabimbiln, le ki koo idɔ paan li pu, le ki chuu ujapɔɔn ki buu u iŋmin, ki di paan idɔ pu, libimbiln na paab,

Mpiin 26:25

Aisak nan maa libimbiln nima chee, le ki toor kitork ki doon Uwumbɔr. Nima chee le u nan kal, le waanaagbiib nan ki gbii nnyunbun muken.

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

Mpiin 35:1

Uwumbɔr nan bui Jakob ke, “Li cha Betel aatiŋ ni, ki ti li bi nima. Aa maa kitork aabimbiln nima chee ki tii mi Uwumbɔr u nan dan aa chee buyoonn aa nan san aakpel Esɔ chee na.”

Mpiin 35:7

Le u maa kitork aabimbiln nima chee, le ki yin kitiŋ ngbaan ke Betel Aawumbɔr; ba pu? Uwumbɔr nan di ubaa mɔk Jakob nima chee, n‑yoonn mu u nan san ukpel chee na.

Mpiin 4:4

Le Abel mu nan lik waapiih ponn ni waapihninkpel aah pue ma njan aapihbo u na, ki di toor kitork, ki di tinann ti kpa nkpan na ki tii Uwumbɔr. Le Uwumbɔr pak Abel ni waapiin,

Mpiin 7:2

Aa ban ipeel ni tiwakor ti bi chain na, nija ni nipii, nilele, ki ti saa nfum mulole, ki ki ban ipeel ni tiwakor ti kaa bi chain na, nija ni nipii, nilele, nimɔk aabɔŋ, ki di ŋa buŋɔb ngbaan ni.

Mpiin 7:3

Aa ki ban inyoon mu, ija ni ipii, ilele, ki ti saa nfum mulole. Ŋa kina aan tiwan ngbaan mu nan ki pɔr, ki li bi dulnyaa wee ni.

Mpiin 8:19

Le tiwakor, ni ipeel, ni inyoon mɔmɔk aabɔŋ nyan ki dii tɔb.

Job Aagbaŋ 1:5

Njim ngbaan mubaa yaa ti jer ki woln kitaak na kan, Job ga fii lichakpitaawoln le ki toor kitork, waabim ngbaan ubaa mɔk pu. U dak ke nibaakan bi ponn ni ubaa ga li sii Uwumbɔr, ki tun u taani, kaa nyi, nima pu le u nan ŋani kina n‑yoonn mɔmɔk.

Nnyam 10:25

Le Moses nan giin bui u ke, “Kina kan, sin le ga ban tiwakor tii timi le ti ti toor kitork tii Tidindaan Uwumbɔr.

Nnyam 29:18

ki see upihja ngbaan aanann mɔmɔk libimbiln ngbaan paab, aan ni li ye tijikaar aapiin aatork tii mi. Kitork ngbaan aanunun mɔ m chee.

Nnyam 29:25

aan aa ki gaa ti bi chee, ki di paan kitork ki bi kitork aabimbiln na paab ki see ti mmii, ni li ye tijikaar aatork aapiin tii mi. Kitork ngbaan aapiin aabaan nu mɔ m chee.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Hiibru Yaab 13:10

Timi aatork aabimbiln le ye Yesu aadɔpuinkoo. Juu yaab aatotoorb aan ŋmaa ji timi aatork.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.