Mpiin 8:1 - Uwumbɔr aagbaŋ

¹ Uwumbɔr aa nan suln Nowa, ni ipeel, ni tiwakor timɔk bi u chee buŋɔb ni na aabɔr, le ki cha libuln daar, le nnyun nin piin ki foor.

Mpiin 8:1 Iomraidhean Croise

Mpiin 19:29

Tɔ, Uwumbɔr aah nan bii kifataŋ aatim mu Lot nan koo na, u nan teer Abraham bɔr, le ki gaa unaal aajapɔɔn Lot lii.

Mpiin 30:22

Tɔ, Uwumbɔr aa ki suln Rachel aabɔr, u nan ŋun waameel le ki cha ni ŋaŋ u chee, le u ma mbim.

Mpiin 9:10

ni tiwan nimɔk fu ki nan bi ni chee na, inyoon mɔmɔk, ni ipeel, ni tiwakor mɔmɔk, ni tiwan nimɔk dii nimi ki nyan ni buŋɔb ponn ni na.

Nehemia 13:14

Maawumbɔr, teer mbɔr, ki taa suln tiwan nimɔk m ŋa Saadichal ni aan aa kan idoon mbamɔm ki ponn ni na.

Nehemia 13:22

M nan cha Liifai yaab toor kitork ki ŋa bibaa chain ki buen ti kii ibisamɔi ngbaan ke bi taa cha unii ubaa koor Likpaakool daal aakoobil. Uwumbɔr, teer mbɔr nimina mu pu, ki san mi kinimbaak, saageehm sakpem pu.

Nehemia 13:29

Uwumbɔr, teer binib ngbaan aah nan bii bitotoorb aatuln, ni tipuur ti aa nan puu ki tii bitotoorb ni Liifai yaab na.

Nehemia 13:31

ki nan ban isan i ga cha idɔ i bi joo pu kitork aanann na aah ga fuu ni n‑yoonn mu na, ni binib mu aah ga li joo ni baajan aajikaabim aapiin ni njan aasubil ŋi puen puir na pu na. Uwumbɔr, teer mbɔr, ki ŋa tinyoor ŋa m pu.

Job Aagbaŋ 12:15

Uwumbɔr yaa chuu utaal kan, le ntaaweel bi; le u yaa chur nnyun lii ni kan, nwam nya.

Job Aagbaŋ 14:13

M ba ga li gee ke aa di mi bɔr bitekpiib do la; cha m li bɔr aan saaŋuul ti sɔŋ waahr, aan ki nin siin n‑yoonn mu aa ga teer mbɔr na.

Ilahn 105:42

U nan teer waah nan puu tipuukpaan ti tii waatutunn Abraham na.

Ilahn 106:4

Uwumbɔr, buyoonn aa ban aa ter saanib na kan, aa teer mbɔr; aa cha m li bi binib bi ponn ni aa gaa lii na.

Ilahn 115:12

Uwumbɔr teer ti bɔr le ki ga ŋa waanyoor ŋa ti pu; u ga ŋa waanyoor ŋa Israel aanib pu ki ŋa waatotoorb mɔmɔk pu waanyoor.

Ilahn 132:1

Uwumbɔr, taa suln David, ni waah nan jin falaa u mɔmɔk na pu.

Ilahn 136:23

Bidim aah nyaŋ timi na, waa nan suln ti bɔr; waageehm aa kpa ndoon.

Ilahn 137:7

Uwumbɔr, teer Edom yaab aah nan ŋa pu nwiin mundaal bidim nan nyaŋ Jerusalem na. Teer baah nan len kpakpaayuk pu na ke, “Ber ki bil kitiŋ man.”

Ilahn 29:10

Uwumbɔr le joo nnyun mu nyoo na, u ye ubɔr n‑yoonn mɔmɔk la.

Ilahn 36:6

Saah ŋan sakpen pu na naahn ŋijoo aah paa pu na la; le saabamɔn naahn nnyusakpem aah nyoo pu na. Sin le lik unibɔn ni tiwakor mɔmɔk.

Nnyam 14:21

Moses nan yoor uŋaal paacham ki mɔk nnyusakpem ngbaan, le Uwumbɔr cha libuln nyan ni liwipuul wɔb ki daa nnyusakpem ngbaan pu, le ki kiir mu, le mu yakr tɔb chee. Libuln ngbaan nan daa kinyeek ki ti woln kitaak, le ni kuur. Nnyun ngbaan nan yakr tɔb chee,

Nnyam 15:10

Uwumbɔr, aa nan fuur lii Ijipt yaab pu nfum mbaa le bi muin ke tikur na, ki bee nnyusakpem ni.

Nnyam 2:24

le ni nan chuu u kinimbaak, le u teer tipuur ti u nan puu tii Abraham, ni Aisak, ni Jakob na.

Ŋiyataŋak 25:23

Linibiil joo ni liŋuul ke ntaanjon wɔb aabuln aah joo ni utaal pu na.

Aisaya 44:27

Maamɔb aamɔboln le m ga di foor nnyusakpem.

Jeremia 50:38

Cha nweel dan kaatiŋ pu, ki foor kaamɔɔ. Babiloŋ ye kitiŋ ki kpa ijawaan aawaa na la, ŋima le ŋmann binib ngbaan.

Amos 8:7

Uwumbɔr u ye Israel yaab Aadindaan na le puu ke, “Maan suln baatunwanbir pu kpala.

Jona 4:11

Tɔ, aa dak ke kinye aan m ga san kitisakpeŋ Ninefa aanib kinimbaak? Binib bi ki ponn ni, ki jer ŋichur nkub ni moninko, kaa ŋmaa yakr ni ŋan na ni ni kaa ŋan na, le tiwakor pam mu bi.”

Nahum 1:4

Uma le len nnyusakpem chee, le mu foor. U cha ŋimɔɔ foor. Basann aatiŋ aakpaakon kuur la, Kamel Aajool mann ke titan na la, le Lebanonn aatiŋ aasupuun gbar lir.

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.

Sekaria 10:11

Bi yaa nan nyan baabɔbir ti wiir ke nnyusakpem na ni kan, le min Uwumbɔr ga nyii tinyunkpenn, le Nail aamɔɔl ga foor ki cha kitikuun. M ga sunn Asiria aatiŋ aagaak taab, le mpɔɔndaan Ijipt aatiŋ aapɔɔn ga doo.

Nkahm 10:9

N‑yoonn mu ni bi nimi aatiŋ ni, ki buen butɔb ni, ki ban ni gaa nibaa lii nimi aadim bi lir ni pu na kan, ni pii kakaan tiib ngbaan baah ban bi piin butɔb pu na, le min Nidindaan Uwumbɔr ga ter nimi, ki nyan nimi, nimi aadim aaŋaal ni.

Nkahm 22:32

Le ntuun ngbaan baa u ke, “Ba ŋa aa faa saabon ngbaan nfum mutaa mɔmɔk kina? Naa lir si ke aa buen nsan ngbaan, nima pu le m dan ke m nan kiir si nsan ni.

Tibɔkpiirkaan 16:19

Le kitisakpeŋ ngbaan aadir mɔmɔk yakr nfum mutaa ki lir kitiŋ. Ŋinibol mɔmɔk aatim mu lir kitiŋ a; ba pu? Uwumbɔr aa suln kitisakpeŋ Babiloŋ ngbaan aanib aatunwanbir bɔr, ki tii bi kiyikuuk ki gbii ndaan mu ye waaŋuul sakpen na, ki cha bi nyu.

Tibɔkpiirkaan 18:5

Kitiŋ ngbaan aatunwanbir muun ki wiir ki ti fuu paacham, le Uwumbɔr aa suln kaatunwanbir.”

1 Samuel 1:19

Naah woln kichakpiik ni na, le Elkana ni waadichal fii mala, ki ki doon Uwumbɔr, le ki gir kun Rama aatiŋ ni. Tɔ, Elkana nan doon upuu Hana chee, le Uwumbɔr kii waameel.