Mpiin 7:7 - Uwumbɔr aagbaŋ

⁷ U ni upuu, ni ujapɔtiib bitaa, ni ubipuutiib nan koo waah kpaa buŋɔb bu na ponn ni, le ki ŋmar.

Mpiin 7:7 Iomraidhean Croise

Mpiin 6:18

Tɔ, m ga puu tipuur tii si. Aa ni aapuu, ni saabim, ni bipuutiib koo buŋɔb ngbaan ni.

Mpiin 7:1

Le Uwumbɔr bui Nowa ke, “Aa ni aapuu, ni aajapɔtiib, ni aabipuutiib, ni mɔmɔk koo buŋɔb ngbaan ponn ni. M kan ke sin baanja le bi dulnyaa wee aanib ponn ni ki ŋani ni ŋan na.

Ŋiyataŋak 22:3

Bilandam waa tibɔr aah choo pu na le ki minn ti, le ujɔr ma ga koo ti ni, le ki nan ki bi wii.

Matiu 24:38

Nowa aayoonn ngbaan, buyoonn nnyusakpem aa nan kee jin kitiŋ na, binib nan bi, ki ji, ki nyu, bijab yoor bipiib, bipiib mu mɔn bijab, ki ti saa bundaln Nowa nan koo buŋɔb ni na.

Tibɔnyaan ti Luk ŋmee ti na 17:27

Bi nan ji ki nyu, bijab nan yoor bipiib, bipiib mu nan mɔn bijab, ki ti saa bundaln Nowa nan koo buŋɔb ni na, le nnyusakpem fuu ni ki nan jin bi mɔmɔk.

Hiibru Yaab 11:7

Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

1 Piita 3:20

Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.

2 Piita 2:5

Waa nan di cha dulnyaakpok aanib mu. U nan cha nnyun jin dulnyaakpok, ki kuln binib bi kaa san u na; ki gaa Nowa u nan mooni waabɔnyaan na lii; ki gaa binib bilole lii ki kpee Nowa pu.