Mpiin 7:13 - Uwumbɔr aagbaŋ

¹³ Buyoonn utaal piin ki nu na, liyaadaal ngbaan, le Nowa, ni upuu, ni ujapɔtiib, Sem, ni Ham, ni Jafef, ni bipuutiib nan koo buŋɔb ngbaan ni.

Mpiin 7:13 Iomraidhean Croise

Mpiin 10:21

Sem u nan ye Jafef aakpel na le nan ye Hiibru yaab mɔmɔk aayaaja.

Mpiin 10:6

Ham aajapɔtiib le nan ye Kus yaab, ni Ijipt yaab, ni Libia yaab, ni Kanaann yaab. Binib bee aamaal nan di biyaajatiib aayimbil le ki di yin baanibol aayimbil.

Mpiin 5:32

Nowa aah nan ti saa ŋibin ikui iŋmu na, nee aapuwɔb le u ma mbijabim mutaa, ki yin ubaa ke Sem, ki yin uken ke Ham, ki yin u uken ke Jafef.

Mpiin 6:18

Tɔ, m ga puu tipuur tii si. Aa ni aapuu, ni saabim, ni bipuutiib koo buŋɔb ngbaan ni.

Mpiin 7:1

Le Uwumbɔr bui Nowa ke, “Aa ni aapuu, ni aajapɔtiib, ni aabipuutiib, ni mɔmɔk koo buŋɔb ngbaan ponn ni. M kan ke sin baanja le bi dulnyaa wee aanib ponn ni ki ŋani ni ŋan na.

Mpiin 7:14

Le Nowa nan di ipeel, ni tiwakor, ni inyoon, ni tiwan nimɔk fu na,

Mpiin 8:14

Ŋmalee aawiin moninko ni ilole daal, le kitiŋ kuur ni kookoo.

Hiibru Yaab 11:7

Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

1 Piita 3:20

Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.

2 Piita 2:5

Waa nan di cha dulnyaakpok aanib mu. U nan cha nnyun jin dulnyaakpok, ki kuln binib bi kaa san u na; ki gaa Nowa u nan mooni waabɔnyaan na lii; ki gaa binib bilole lii ki kpee Nowa pu.

Bibɔjirb 21:22

Bitetiib, bee bininjatiib yaa dan ni chee ke bi nan gaa bi kan, ni ga ŋmaa bui bi ke, ‘Ŋaanii ki cha ti li joo bi man, ba pu? taa chur bi ni chee butɔb ni le ke ti di bi ŋa tipuutiib. Ni mu aah kaa di bi tii timi nibaa na, naa bii naah puu tipuur ti na.’”