10 Iwiin ilole aah jer na, le nwam dan.
M ga tun ni nwam dulnyaa wee ni, mu nan bii tiwanfuurkaan mɔmɔk. Tiwan nimɔk bi dulnyaa wee ni na ga kpo.
Iwiin ilole yaa jer kan, m ga cha utaal nu; utaal ga nu ki ti saa iwiin imonko ilee, nwiin pu ni kinyeek, aan nnyun bii tiwan ni mɔmɔk m ŋa na.”
mu nan koo buŋɔb ngbaan ponn ni, Nowa chee, Uwumbɔr aah nan bui ke u ŋa pu na.
Nwam nan di bi puu buen le baayoonn nin fuu.
Bi nan ji ki nyu, bijab nan yoor bipiib, bipiib mu nan mɔn bijab, ki ti saa bundaln Nowa nan koo buŋɔb ni na, le nnyusakpem fuu ni ki nan jin bi mɔmɔk.
