Mpiin 6:5 - Uwumbɔr aagbaŋ

⁵ Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen,

Mpiin 6:5 Iomraidhean Croise

Mpiin 13:13

Ntim ngbaan aanib nan ye titunwanbirdam la, le ki tun ni kaa ŋan na Uwumbɔr aanimbiin ni.

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

Job Aagbaŋ 15:16

Le unibɔn nyu titunwanbir ke naah ye nnyun le na; mbamɔn, unibɔn bii doo; unibɔn ye fam la.

Job Aagbaŋ 22:15

Aa sil ban ke aa dii isan i titunwanbirdam puen dii na la aa?

Ilahn 53:2

Uwumbɔr bi paacham le ki lik ni unibɔn pu taab, ke u lik ke bibaa bi ki kpa nlan ki dii u aan baa bi.

Ulandaan 7:29

Maah nan bae pu na mɔmɔk sɔ: Uwumbɔr ŋa timi ke ti li bi mbimbin mu kaa pɔɔ na, le ti ŋa tibaa tiwan ni pɔɔ na.

Ulandaan 9:3

Bi mɔmɔk aadoon ye mubaa la, le nimina mu aa ŋan ke tiwan ni mɔmɔk ŋani dulnyaa wee ni na aah kaa ŋan pu na. Unibɔn umɔk kpa limɔfal na kpa kiwaatiik ni ilandak i kaa ŋan na la, le nkun piir bi libuul ngbaan ni.

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Esekiel 8:12

Uwumbɔr nan baa mi ke, “Unibɔn, aa kan Israel yaab aah looni ki tun ŋitun ŋi libɔɔl ni na aa? Bi mɔmɔk bi kidiik ki ponn ni ye ŋiwaa ŋmeen na, le ki dooni ŋi. Baah len pu na le ye ke, ‘Uwumbɔr aa waa timi. Waa ki bi timi aatiŋ pu.’”

Esekiel 8:9

U nan ki bui mi ke, “Koo ki ti lik titunwanbir, ni tiwan ni sukr ponn ni aan bi bi ŋani na.”

Matiu 15:19

Tiwan ni nyan binib aasui ni na le ye ilandak i kaa ŋan na, ni linikul, ni kidagook aatuln, ni kinaayuk, ni linyamɔngee, ni ŋisiibil.

Matiu 24:37

Min Unibɔn Aabo aah ga nan gir ni buyoonn na, ga li bi ke naah nan bi Nowa aayoonn pu na la.

Tibɔnyaan ti Luk ŋmee ti na 17:26

Min Unibɔn Aabo aah ga gir ni buyoonn na ga li bi ke Nowa aayoonn aah nan bi pu na la.

Ikaal 29:19

Ni mɔmɔk ubaa taa ŋmann ubaa ke naah si do din wee ki ŋun tipuur tee na, u ki pɔɔn usui, ki fenn dii ubaa aasan, ki bui ubaa ke nibaa aan ŋa u. Waabimbin ga bii ni mɔmɔk, bi ŋan na, ni bi kaa ŋan na doo.

Taitus 3:3

N‑yoonn mbaa timi tibaa nan ye bijɔrb, kaa kii Yesu aamɔb. Kinimbɔŋ nan ŋmann timi la. Tinimbil nan man tiwan ni kaa ŋan na aabɔŋ pu. Tisui aah gee tiwan ni na le ti nan ban. Ti nan gee baka baka aatuln, ki nan kpa lipiipoln, ki nan ye binib bi ubaa aa gee bi na, ki mu nan nan tɔb.

1 Piita 3:20

Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.