Mpiin 6:18 - Uwumbɔr aagbaŋ

¹⁸ Tɔ, m ga puu tipuur tii si. Aa ni aapuu, ni saabim, ni bipuutiib koo buŋɔb ngbaan ni.

Mpiin 6:18 Iomraidhean Croise

Mpiin 17:21

Tɔ, m ga cha maah puu tipuur na li bi aajapɔɔn Aisak, u Sara ga nan maa u libiln li choo na pu la, kinakokoona aayoonn le u ga nan maa.”

Mpiin 17:4

“M puu tipuur tii si ke aa ga li ye ŋitimbol pam aate.

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 7:1

Le Uwumbɔr bui Nowa ke, “Aa ni aapuu, ni aajapɔtiib, ni aabipuutiib, ni mɔmɔk koo buŋɔb ngbaan ponn ni. M kan ke sin baanja le bi dulnyaa wee aanib ponn ni ki ŋani ni ŋan na.

Mpiin 7:13

Buyoonn utaal piin ki nu na, liyaadaal ngbaan, le Nowa, ni upuu, ni ujapɔtiib, Sem, ni Ham, ni Jafef, ni bipuutiib nan koo buŋɔb ngbaan ni.

Mpiin 7:7

U ni upuu, ni ujapɔtiib bitaa, ni ubipuutiib nan koo waah kpaa buŋɔb bu na ponn ni, le ki ŋmar.

Aisaya 26:20

Maanib, koo man nimi aadichal ni, aan ki laŋ nibaa pu. Bɔr man nibaa siib aan Uwumbɔr aaŋuul jer.

Hiibru Yaab 11:7

Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

1 Piita 3:20

Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.

2 Piita 2:5

Waa nan di cha dulnyaakpok aanib mu. U nan cha nnyun jin dulnyaakpok, ki kuln binib bi kaa san u na; ki gaa Nowa u nan mooni waabɔnyaan na lii; ki gaa binib bilole lii ki kpee Nowa pu.