Mpiin 6:16 - Uwumbɔr aagbaŋ

¹⁶ Di ŋikpan kpaa buŋɔb ngbaan aapaacham, ki cha mpaan li bi buŋɔb ngbaan aapaacham aataab, ni li ye ŋisaŋ ŋitaa aawawaan, aan ni li wiin bu ponn ni ki ŋa bu ŋiker ŋitaa tɔŋ tɔb pu, aan ki ŋa mbisamɔb busikakl.

Mpiin 6:16 Iomraidhean Croise

Mpiin 6:15

Bu aah ga li fɔk kitiŋ pu na li ye ŋitaa ikui inaa ni ŋiŋmu, bu aah ga li waa pu na li ye ŋitaa imonko itaa ni kipiik ni ŋiŋmu, bu aah ga li fɔk paacham pu na li ye ŋitaa imonko ilee ni ŋiŋmu.

Mpiin 6:17

M ga tun ni nwam dulnyaa wee ni, mu nan bii tiwanfuurkaan mɔmɔk. Tiwan nimɔk bi dulnyaa wee ni na ga kpo.

Mpiin 7:16

U di ni mɔmɔk ki di ŋa bu ponn ni Uwumbɔr aah nan bui u pu na. Bi mɔmɔk aah koo buŋɔb ngbaan ponn ni na, le Uwumbɔr di buŋɔb ngbaan aajaaleŋ piin.

Mpiin 8:6

Iwiin imonko ilee aah jer na, le Nowa piir takolu,

2 Samuel 6:16

Baah joo Dakaa ngbaan bi di koo ni kitiŋ ngbaan ponn ni buyoonn na, le Sɔɔl aabisal Mikal lik takolu ni, ki kan Ubɔr David aah bi yukr ki waa liwaal tii Uwumbɔr pu na, le u lik seen u usui ni.

2 Bibɔrb 9:30

Jehu nan fuu Jesreel aatiŋ ni. Tɔ, Jesebel aah ŋun tibɔr ti ŋa na pu na, le u bal chaloo, ki chaal uyikpir mbamɔm le ki ti sil libɔrdichal ponn ni aatakolu ubaa chee, ki si lik kitiŋ ponn ni.

Esekiel 41:16

ki nyan kitiŋ ki ti tuu takolu tiib. Bi nan ga ŋmaa biin takolu tiib ngbaan pu.

Esekiel 42:3

Laapepel libaa nan lik mpaan mu kpak Uwumbɔr Aadichal ki ye ŋitaa piitaa ni ŋiniin la, le lipepel liken na lik lichinjal aakɔl na. Bi nan maa li tɔŋ tɔb pu nfum mutaa pu la, le liker li tɔk taab aaker pu na nyan puwɔb, le litatar na ti moo nyan puwɔb ki jer lileler na.