Mpiin 50:5 - Uwumbɔr aagbaŋ

⁵ ‘N‑yoonn mu nte nan ban u kpo na, u nan cha m puu tipuur ke u yaa kpo kan, m di waawon ti sub Kanaann aatiŋ ni, likaakul li u nan toor siin ubaa na ponn ni. Kina pu na, maaninkpel, tii mi nsan m di u buen ti sub nima chee aan ki gir ni.’”

Mpiin 50:5 Iomraidhean Croise

Mpiin 3:19

Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”

Mpiin 48:21

Le Jakob bui Josef ke, “Aa kan aa? Naan ki yunn m ga kpo; Uwumbɔr mu le ga li bi ni chee ki giin nimi buen niyaajatiib aatiŋ ni.

Mpiin 50:24

Le u bui ukpetiib ke, “Ni ŋeer m kpo; Uwumbɔr mu ga sil li joo nimi, ki nyan nimi Ijipt aatiŋ kee ni, ki giin nimi buen kitiŋ ki u nan puu ke u ga di ki tii titetiib Abraham, ni Aisak, ni Jakob na.”

Mpiin 50:4

N‑yoonn mu bi ŋa njan aakpuul doo na, le Josef tun ubɔrkpaan aaninkpiib u chee ki bui bi ke, “Li cha ki ti bui ubɔrkpaan ke,

Mpiin 50:6

Le ubɔrkpaan bui u ke, “Saah nan puu tii aate ke aa ga ŋa pu na, di aate ki ti sub.”

2 Bibɔrb Aabɔr 16:14

le bi di u sub waah nan lukr kitakpaluŋ ki kiir ubaa, David Aatiŋ ponn ni na ni. Bi nan di nnyɔknii ni nkpan mu nun mɔ na le toor uwon ki nin sub u. Bi nan see mmii sakpiin le ki di wii waakpuul.

Job Aagbaŋ 30:23

M nyi ke aa joo mi cha maakun ni la, aa joo mi cha ndoon mu dɔ kii unii mɔmɔk na ni la.

Ilahn 79:3

Bi cha saanib aasin nyan ke nnyun na; nsin nan puu ni kookoo Jerusalem ponn ni ke nnyun na la, le unii aa nan gur ke u sub ŋinikpol.

Ulandaan 12:5

Aa ga li san ke aa tɔŋ tiwan ni fɔk paacham na ijawaan, le lisachuln ga li ye tiwan ni bir na le aa chee. Aayikpir ga piir, le saan ki ŋmaa yoor aataa paacham ki chuun. Lineen mɔmɔk ga nya aa chee. Ti cha timi aakookoo aafuur chee la, le ikpowiil ga li bi kitiŋ ponn ni.

Ulandaan 12:7

Timi aawon ga ki gir kpaln kitiŋ aatan, le limɔfal aafuurk ga gir buen Uwumbɔr u di li tii timi na chee.

Ulandaan 6:3

Uja ga ŋmaa li kpa mbim nkub, ki yunn pam, tɔ, u gee u yunn dulnyaa ni ba pu, u yaa kaa jin waamɔɔn, kaa kan likpuul li nyuun na kan, ubo u kpo una aaponn ni ki nyan ni na soor u.

Aisaya 22:16

“Aa yin aabaa ŋma? Aa kpa ba aasan ke aa gbii likaakul ŋitakpal ni, ligongoln ni, tii aabaa?

Matiu 27:60

ki di ti sub kitakpaluŋ ni. Kitakpaluŋ ngbaan le Josef nan cha bi gbii ki, uma ubaa pu. Baa nan kee sub unii ubaa ki ponn ni. Waah di Yesu sub na, le u di litakpasakpeln li pee na, ki di leŋ mbisamɔb, le ki buen.

Ikaal 4:22

Mma kan, m ga kpo kitiŋ kee ni, kaan puur limɔɔl ngbaan daalbaadaal. Le ni ma ban ni puur ki ti gaa kitinyanyaan ngbaan.

1 Samuel 14:43

N‑yoonn ngbaan le Sɔɔl baa Jonatann ke, “Aa ŋa ba?” Jonatann nan gar u ke, “M di maajaangbeek le saa tisiir siib kina, le ki di moor. Min le na do; m gor kiir ke m kpo.”