Mpiin 50:19 - Uwumbɔr aagbaŋ

¹⁹ Le Josef nan bui bi ke, “Taa san ijawaan man. Maan ŋmaa di mbaa ŋaŋ Uwumbɔr.

Mpiin 50:19 Iomraidhean Croise

Mpiin 30:2

Jakob aaŋuul nan fii Rachel pu pam, le u bui u ke, “Maa ye Uwumbɔr ki gaa waatuln tun tii u. Uma le aa tii si mbim.”

Mpiin 45:5

Tɔ, naah nan kooh mi na, ni taa cha nisui bii, ki taa galn nibaa naah ŋa pu na. Ni ye mbamɔn ke Uwumbɔr le nan cha m dan do, ke binib pam ŋmar m pu.

Mpiin 50:18

Le ukpetiib buen u chee ki ti gbaan unimbiin ni, le ki bui u ke, “Ti ye saanaagbiib le ki bi do.”

Mpiin 50:20

Nimi le dak tibɔbir m pu, le Uwumbɔr cha ni kpaln ni ŋan na, ki toor nsan u gaa binib pam aamɔfal lii, tiwan ni ŋa mi na pu.

2 Bibɔrb 5:7

Israel yaab aabɔr aah karn kigbaŋ na, le usui bii, le u daa kar waawanpeenkaan ki teen mpɔɔn pu ke, “Siria aatiŋ aabɔr ban ke m ŋa kinye aan ki cha uja wee pɔɔk? U dak ke m ye Uwumbɔr u kpa limɔfal ni nkun aapɔɔn na la aa? Nimina dɔ mpaan pu ke u ban u tak mi la.”

Matiu 14:27

Libuul ngbaan ni le Yesu bui bi, “Chuu nibaa man. Min ye. Ni taa san ijawaan man.”

Rom Yaab 12:19

Maanigeekaab, binib yaa ŋa nimi bakaa kan, ni taa teen bi. Cha Uwumbɔr le daa bitafal. Ni ŋmee Uwumbɔr Aagbaŋ ni ke Uwumbɔr len ke, “Min baanja le kpa nsan ke m daa binib aatafal. Min le ga teen bi.”

Ikaal 32:35

Le Uwumbɔr ga teen bi, ki daa bitafal. N‑yoonn choo, le bi ga nan lir; bundaal bi ga kuln na aa ki daa.

Hiibru Yaab 10:30

Ti nyi ke Uwumbɔr len ke uma le ga daa bitafal, uma le ga teen bi. U ki len ke u ga ji waanib tibɔr.