Mpiin 50:18 - Uwumbɔr aagbaŋ

¹⁸ Le ukpetiib buen u chee ki ti gbaan unimbiin ni, le ki bui u ke, “Ti ye saanaagbiib le ki bi do.”

Mpiin 50:18 Iomraidhean Croise

Mpiin 27:29

U cha ŋitimbol mɔmɔk aanib li ye saanaagbiib ki gbaan aanimbiin ni. U cha aa li ye aado yaab, ni aana aabim mɔmɔk aayidaan, aan bi li gbaani aanimbiin ni. Uwumbɔr puun lii unii umɔk puun lii aa pu na pu, aan ki ŋa tinyoor ŋa unii umɔk ŋa si tiŋann na pu.”

Mpiin 41:43

Ubɔr nan di waataan aatɔroku leler ki di tii Josef ke u koo u ni, le ki cha waajab loln u pu nsan ki di mann Ijipt aatiŋ mɔmɔk, le ki kaani ke, “Gbaan man. Gbaan unimbiin ni man.” Kina le bi nan di Josef ŋa Ijipt aatiŋ mɔmɔk aaninkpekpaan.

Mpiin 42:6

Le Josef aah nan ye Ijipt aatiŋ ngbaan aayidaan ki lik tijikaar aabɔr pu na, uma le nan kooh tijikaar ngbaan tii dulnyaa aanib mɔmɔk. Nima pu na, Josef aakpetiib mu nan dan ki nan gbaan unimbiin ni.

Mpiin 44:14

N‑yoonn mu Juda ni biken fuu ni Josef do na, u nan bi linampal. Le bi gbaan unimbiin ni.

Mpiin 45:3

Le Josef bui ukpetiib ke, “Min Josef le na. Nte beenin bi ii?” N‑yoonn mu ukpetiib ŋun kina na, le ijawaan chuu bi, le baa ki nyi baah ga len pu na.

Mpiin 50:17

u nan bui timi ke ti tun aa chee tichandann, ke aa di cha pinn timi aabakaa u ti nan ŋa si na. Nima le dandana wee ti tun ke aa di cha pinn timi bi ye aatetiib Aawumbɔr aanaagbiib na aabakaa.” Josef aah ŋun ukpetiib aachandann ngbaan aabɔr na, le u wii.

Mpiin 50:19

Le Josef nan bui bi ke, “Taa san ijawaan man. Maan ŋmaa di mbaa ŋaŋ Uwumbɔr.