Mpiin 50:17 - Uwumbɔr aagbaŋ

¹⁷ u nan bui timi ke ti tun aa chee tichandann, ke aa di cha pinn timi aabakaa u ti nan ŋa si na. Nima le dandana wee ti tun ke aa di cha pinn timi bi ye aatetiib Aawumbɔr aanaagbiib na aabakaa.” Josef aah ŋun ukpetiib aachandann ngbaan aabɔr na, le u wii.

Mpiin 50:17 Iomraidhean Croise

Mpiin 31:42

Ni yaa kaa ye Uwumbɔr u nte Aisak ni n‑yaaja Abraham nan dii na nan bi m chee kan, kina m ba nyan aado nkuun la. Uwumbɔr aah kan maafalaa ngbaan, ni maah tun tii si pu na, le kinyeek na u fe bui si mbamɔn.”

Mpiin 45:8

Nima pu na, naa ye nimi pu le cha m dan do, Uwumbɔr le ŋa kina. Uma le tii mi tininkpir ti paa ubɔr Faro pu na. Min le lik waawan mɔmɔk, ni Ijipt aatiŋ kee mɔmɔk.

Mpiin 49:25

Mbamɔn, uma aate Aawumbɔr le ga ter si. Uwumbɔr Mpɔɔnsakpiindaan, uma le ga ŋa tinyoor ŋa aa pu, le ki tii si utaal u nyan ni paacham na, ki tii si nnyun mu nyan ni taab na, ki tii si tiwakor ni mbim pam,

Mpiin 50:16

Nima pu na, bi nan tun tichandann Josef chee le ki bui ke, “Tite aah nan ban u kpo na,

Mpiin 50:18

Le ukpetiib buen u chee ki ti gbaan unimbiin ni, le ki bui u ke, “Ti ye saanaagbiib le ki bi do.”

Mpiin 50:20

Nimi le dak tibɔbir m pu, le Uwumbɔr cha ni kpaln ni ŋan na, ki toor nsan u gaa binib pam aamɔfal lii, tiwan ni ŋa mi na pu.

Ilahn 21:11

Bi dakl baalandak le ki kpokl u pu, bi mu aan ŋman.

Ŋiyataŋak 28:13

Aa yaa joo saatunwanbir bɔrni kan, saan kan tinyoor saamɔfal ni. Kpiir saatunwanbir ki di ti mee aan Uwumbɔr san si kinimbaak.

Matiu 10:42

M tuk nimi mbamɔn la, unii umɔk tii maadidiir waatiir ubaa nnyunyunkoo baanja na kan, waah ye maadidiir pu na le cha u tii u, nima na, u ga kan tiyaapar.”

Matiu 18:35

“Tɔ, unii umɔk kaa di cha pinn una aabo usui ponn ni na kan, Nte Uwumbɔr u bi paacham na mu ga daa utafal kina la.”

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Matiu 6:12

Cha timi aataani ki pinn timi, ke ti mu aah di cha pinn binib bi koo timi aataani ni pu na.

Tibɔnyaan ti Mak ŋmee ti na 10:41

Le waadidiliib kipiik bi gur na ŋun Jems ni Jɔnn aah tuk u pu na. Baah ŋun kina na, le bi gee liŋuul bi pu.

Galantiya 6:10

Nima na, ti yaa kan nsan kan, ti li ŋani binib mɔmɔk tiŋann. Binib bi gaa Yesu ki kii na, ti li ŋani bima le tiŋann sakpen.

Galantiya 6:16

Binib bimɔk kii kina na le ye Uwumbɔr aanib, ki ye Israel yaab bamɔm. Uwumbɔr tii bi nsuudoon ki san bi kinimbaak.

Efesusi 4:32

Ni li ŋani tɔb tiŋann, ki li san tɔb kinimbaak, ki di cha pinn tɔb ke Uwumbɔr aah di cha pinn nimi, Kristo pu pu na.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.