Mpiin 49:8 - Uwumbɔr aagbaŋ

⁸ Sin Juda, aate aabim ga nyuŋ si. Aa ga li joo aaŋaal le chur saadim aaneen ni. Aate aabim ga gbaan aanimbiin ni.

Mpiin 49:8 Iomraidhean Croise

Mpiin 27:29

U cha ŋitimbol mɔmɔk aanib li ye saanaagbiib ki gbaan aanimbiin ni. U cha aa li ye aado yaab, ni aana aabim mɔmɔk aayidaan, aan bi li gbaani aanimbiin ni. Uwumbɔr puun lii unii umɔk puun lii aa pu na pu, aan ki ŋa tinyoor ŋa unii umɔk ŋa si tiŋann na pu.”

Mpiin 29:35

Le u nan ki dek lipuul ki ki ma ubijabo uken. U nan ki bui ke, “N‑yoonn mue, m ga pak Uwumbɔr sakpen.” Nima pu na, u nan yin u ke Juda. Le Uwumbɔr nan laa cha u di cha kina kaa ki ma.

Mpiin 42:6

Le Josef aah nan ye Ijipt aatiŋ ngbaan aayidaan ki lik tijikaar aabɔr pu na, uma le nan kooh tijikaar ngbaan tii dulnyaa aanib mɔmɔk. Nima pu na, Josef aakpetiib mu nan dan ki nan gbaan unimbiin ni.

Mpiin 46:12

Ujapɔɔn Juda aajapɔtiib aayimbil sɔ: Sela, ni Peres, ni Sera. Juda aajapɔtiib Er ni Onann nan kpo Kanaann aatiŋ ni a. Peres aajapɔtiib le nan ye Hesronn ni Hamul.

2 Samuel 22:41

Aa cha maadim san m chee la; m ku door binib bi kaa gee mi na.

2 Samuel 24:9

Bi nan dan nan bui ubɔr, bijab bi ŋeer bi buen butɔb na aah nan ti kpaan pu na. Israel yaab nan ye bijab ŋichur ikui iniin la, le Juda yaab nan ye bijab ŋichur ikui iŋmu.

2 Samuel 5:3

Kina pu le Israel yaab aayidam mɔmɔk dan Ubɔr David chee, Hebronn aatiŋ ni. U ni biyidam ngbaan nan ŋa kimɔbaan ki pɔɔ na, le bi di nkpan kpir uyil pu, ki kaan u Israel aatiŋ aanaan.

1 Bibɔrb Aabɔr 28:4

Timi Israel yaab Aadindaan Uwumbɔr lee min ni n‑yaabitiib le ke ti li ye Israel aajojoob, ki ti saa n‑yoonn mu kaa kpa ndoon na. U nan lee Juda aanibol ke bi li ye bisalolm, le ki nyan nte aadichal Juda aanibol ni. Lidichal ngbaan mɔmɔk ni, ni nan ye waageehn le ke u lee mi ki di mi ŋa Israel yaab mɔmɔk aabɔr.

1 Bibɔrb Aabɔr 5:2

Ni mu nan tee ye Juda aanibol le nan ŋa bipɔɔndam le ki nyan bijojoob tii ŋinibol ŋiken na mɔmɔk.

2 Bibɔrb Aabɔr 14:8

Ubɔr Asa nan kpa Juda aajab ŋichur ikui itaa, le bi kpa kijaak aapen ni tikpaatunn; le ki kpa Benjaminn aajab ŋichur ikui ilee ni imonko inaa, le bi kpa kijaak aapen ni itɔi. Bi mɔmɔk nan kaar le ki bae butɔb aatuln mbamɔm.

2 Bibɔrb Aabɔr 15:9

Binib nan nyan ni Efraim, ni Manase, ni Simeonn aatim ni ki dan Asa chee ki nan bi waanaan ni, ba pu? bi nan kan ke Uwumbɔr bi u chee. Asa nan kuun bi mɔmɔk, ni Juda, ni Benjaminn aanib.

2 Bibɔrb Aabɔr 17:2

U nan kaan kaan bijab Juda aajawan aatim mɔmɔk ni, ki kpee Juda aatingbaan ni, ni Asa aah nan nyaŋ ki gaa ntim mu Efraim aapepel ni na.

2 Bibɔrb Aabɔr 30:11

Bibaa mu nan tee nyan ni Aser, ni Manase, ni Sebulunn aanibol ni ki gee ke bi dan Jerusalem aatiŋ ni.

Ilahn 76:1

Juda aatiŋ yaab mɔmɔk nyi Uwumbɔr bɔr; Israel yaab nyuŋni waayimbil.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Esekiel 21:29

Naah kani tibɔkpiirkaan ti na aa gbii, le naah len ke tiwan ni ga ŋa na ye inyamɔn. Ni ye bibiindam ni titunwanbirdam la, le nimi aawiin mu ye nimi aakookoo aatafadaan aawiin na choo. Kijaak aajuk ga lir nisil pu.

Nkahm 10:14

Bi yaa nan chuun cha kan, bi nan paa tɔb pu kina la. Juda aanibol, ni ŋinibol ŋi kpee li pu ki bi baatuutaa taab na, le nan pue loln nsan, ŋigetek ŋigetek, le Aminadab aajapɔɔn Nasonn nan ye usaloln bi pu.

Nkahm 26:22

Baah nan kahn mmaal ngbaan aanib na, bi nan saa bijab ŋichur imonko itaa ni kipiik ni ŋiloob, ni ikui iŋmu la.

Ikaal 33:7

U nan ŋa tinyoor ŋa Juda aanibol pu ki bui ke, “Uwumbɔr, bi yaa wii ki yin si kan, ter bi, Di bi kpaan Israel aanibol ŋiken chee. Uwumbɔr, jan baajaak tii bi, ki ter bi, aan bi nyaŋ baadim.”

Hiibru Yaab 10:13

U bi nima ki kii bundaln Uwumbɔr ga nyaŋ waadim ki di bi ŋa utaapɔtan ni na.

Hiibru Yaab 7:14

Binib mɔmɔk nyi ke Tidindaan nan ye Juda aanibol ponn ni aanii la. Moses aa nan len ke linibol ngbaan aanib ga li ye bitotoorb.

Josua 10:24

ki di bi buen Josua chee. Josua nan yin ni Israel aajab mɔmɔk ubaa chee, le ki bui bijab aaninkpiib bi nan dii u buen butɔb ngbaan ni na, ke bi di bitaa taa bibɔrb ngbaan mɔmɔk aaneen ni. Le bi ŋa kina.

Josua 15:20

Ntim mu Juda aanibol nan kan aan mu ye baatim na sɔ:

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 5:5

Le bininkpiib na ponn ni ubaa bui mi ke, “Taa ki wii. Lik, Yesu u pɔɔ ke uchinn, ki ye Juda aanibol ni aanii ubaa, ki ye Ubɔr David aayaabil na le nyaŋ, ki ga ŋmaa dabr kigbaŋ ki bi dab ki nfum mulole na, ki kpar ki.”

Bibɔjirb 20:18

Israel yaab nan buen baah dooni Uwumbɔr nin chee na Betel aatiŋ ni. Nima chee le bi ti baa Uwumbɔr ke, “Lilanibol ga puen tak Benjaminn aanibol?” Uwumbɔr nan gar bi ke, “Juda aanibol le ga puen tak.”