Mpiin 49:6 - Uwumbɔr aagbaŋ

⁶ Naah kpokl tibɔr libɔɔl ni pu na, maa bi ni chee, ki mu aa kii kina. Ni ku binib liŋuul ponn ni la. Le nimi aageehn ni, ni bii tiwakor.

Mpiin 49:6 Iomraidhean Croise

Mpiin 34:30

Le Jakob bui Simeonn ni Liifai ke, “Ni ban tibɔr tii mi; dandana wee, Kanaann yaab, ni Peris yaab, ni binib bimɔk bi kitiŋ kee ni na aan ki li gee timi aabɔr. Maajab aa wiir, nibaakan bi ga kpokl tɔb, ki dan nan lir ti pu ki ku ti mɔmɔk.”

2 Samuel 8:4

U nan chur waajab bi dik itaan pu na ikui kipiik ni ilole la, ki chur bijab bi chuun bitaa pu na mu ŋichur moninko. U nan nyan itaan i ga ŋeer itaan aatɔroku mam nkub na, le ki gaa kpar i gur na aataachur.

1 Bibɔrb Aabɔr 18:4

David nan chur waataan ni yaatɔroku tiib lichur, ni waajab bi dik itaan pu na ŋichur ŋilole, ni waajab bi chuun kitiŋ na ŋichur moninko. U nan nyan itaan i ga ŋeer itaan aatɔroku tiib nkub na, le ki gaa kpar i gur na aataachur.

Ilahn 1:1

Binib bi yii titunwanbirdam aasurm, kaa dii kinimbɔŋdam aabimbin, kaa kpaani binib bi kaa nyi Uwumbɔr na chee na kpa mpopiin.

Ilahn 103:1

M joo nsui mɔmɔk pak Uwumbɔr la. M joo nwon mɔmɔk pak waayimbil li bi chain na la.

Ilahn 139:19

Uwumbɔr, m ba gee sakpen ke aa ku bibiindam. M ba gee ke binib bi aabimbin pɔɔ na ba di cha mi suuna.

Ilahn 16:9

Nima pu le m kpa mpopiin ki dooni u, le m kpa limakl ke nibaa aan ŋa mi,

Ilahn 26:9

Taa di mi kpaan titunwanbirdam chee ki ku mi; nyan mi binikurb aadoon ni,

Ilahn 28:3

Aa yaa ban aa bii bibiindam, ni binib bi tun titunwanbir aan baamɔliin naahn kijɔtiik ki mu tee kpa kinanaŋ bisui ni na kan, taa di mi kpaan bi chee.

Ilahn 30:12

Kina pu na, maan li ŋmin, m ga gaa ilahn ki pak si. Uwumbɔr, sin le ye Maawumbɔr, m ga li dooni si n‑yoonn mɔmɔk.

Ilahn 42:11

Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 42:5

Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 43:5

Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 5:10

Uwumbɔr, bii baabɔr ki daa bitafal; cha bibaa aakpokl ku bi doo. Baatunwanbir sakpenn, ni baah yii saamɔb pu na, jenn nyan bi aanimbiin ni.

Ilahn 57:8

M ga fii sil, m ga moo pel maabar, m ga gaa ilahn lichakpitaawoln.

Ilahn 64:2

Li kiir mi aan bibiindam aah gor kiir mi pu na taa pii mi, nyan mi titunwanbirdam bi wiir na ni.

Ŋiyataŋak 1:11

Bi gaa bui si ke, “Cha ti buen ki ti ban unii ki ku u. Cha ti buen ti keln binib bi kaa kpa taani na, aan ki gbaa bi, aan ni li mɔ timi.

Ŋiyataŋak 12:5

Bininyaam ga joo si mbamɔm; bibiindam ma ban bi ŋmann si la.

Jeremia 15:17

Maa bii maayoonn binib chee ki laa, ki mɔɔni. M nan kii saamɔb le ki bi mbaa ki joo maaŋuul nsui ni.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Tibɔnyaan ti Luk ŋmee ti na 12:19

Le m ga bui mbaa, M kpa tijikaar ti ga fuu mi ŋibin sakpen na. M ga fuur, ki ji, ki nyu, ki li mɔɔni.’

2 Korenti 6:14

Ni taa kpaan binib bi kaa gaa Yesu ki kii na chee man. Binib bi ŋan na, ni binib bi kaa ŋan na ga ŋmaa kpaan tɔb chee ee? Nwiihn ni mbɔmbɔɔn ga li ŋmaa kpaan bi ii?

Ikaal 27:24

“‘Uwumbɔr aamɔpuur bi unii umɔk loon ki ku unii na pu.’ “Le binib ngbaan mɔmɔk ga kpaan ki kii ke, ‘Amii.’

Josua 11:9

Josua nan ŋa bi Uwumbɔr aah bui u ke u ŋa bi pu na, u nan wɔi baataan, le ki see baatɔroku mam mmii.

Bibɔjirb 5:21

Kisonn Aamɔɔl ni aawam le nan ŋar bi ŋŋaan buen, Kisonn Aamɔɔl aanyunja le nan di bi buen. M ga chuun buen, m ga di mpɔɔn chuun buen.