Mpiin 49:4 - Uwumbɔr aagbaŋ

⁴ Aa bi ke nnyusakpem aah fii ki lir ki kpa kifuuk pu na la, saah koo doon mpuu chee, ki bii aate aawandookaan na, saan li ye uninyuun aanaatiib ponn ni.

Mpiin 49:4 Iomraidhean Croise

Mpiin 35:22

Buyoonn Jakob nan laa bi kitiŋ ngbaan ni na, le ujapɔɔn Rubenn doon Bilha chee, u nan ye ute Jakob aapuutiib na ponn ni ubaa la. Jakob aah nan ŋun kina na, le usui fii, le liŋuul chuu u pam. Jakob nan kpa mbijabim kipiik ni bilee la.

Mpiin 46:8

Jakob aamaal aanib bi nan dii u buen Ijipt aatiŋ ponn ni na le nan ye ujapɔpol Rubenn,

1 Bibɔrb Aabɔr 5:1

Jakob aajapɔpol Rubenn aayaabitiib aayimbil sɔ: Rubenn aah nan gaa ute aapuu waatiir ubaa na, waa nan ki kpa nsan u ji tininkpir aafaal ute chee. Unaal Josef le nan gaa kina aasan.

1 Korenti 5:1

Tɔ, bi tee len ke kininsuŋ aatuln bi nikaasisik ni, ke ni ponn ni ubaa gaa ute aapuu. Hali binib bi kaa dii Uwumbɔr aasan na aa ŋani kina.

Ikaal 27:20

“‘Uwumbɔr aamɔpuur bi unii umɔk doon ute aapuu chee ki jinn ute inimɔɔn na pu.’ “Le binib ngbaan mɔmɔk ga kpaan ki kii ke, ‘Amii.’

Ikaal 33:6

Moses nan ŋa Rubenn aanibol pu tinyoor ki bui ke, “Rubenn aanibol aah bi siib na pu na, taa cha bi kpo doo.”

Ikaal 5:21

“‘Aa taa cha aanimbil li man aaŋeen aatɔ aadichal, bee upuu, bee waakpaakon, bee waanaagbiib, bee waawakor, bee waah kpa tiwan nimɔk na pu.’

2 Piita 2:14

Binimbil yaa kan upii kan, bi ban u la, kaan ŋmaa di cha titunwanbir. Bi ŋmanni binib bi kaa nyi Uwumbɔr aasan mbamɔm na ke bi yenn. Bisui bae iniman la. Uwumbɔr aamɔpuur bi bi pu la.

2 Piita 3:16

Waagbann mɔmɔk ponn ni u ŋmee Uwumbɔr aawiindaal aabɔr, ki mɔk nimi tibɔr timina. Tibɔr ti pɔɔ unii bee taatataa na tibaa mu bi waagbann ponn ni. Le binib bi kaa kpa nlan ki ga ŋmaa yenn mala na kpeln taatataa, ke baah kpeln Uwumbɔr Aagbaŋ aabɔr tiken pu na. Nima pu na, Uwumbɔr ga daa bitafal.