Mpiin 49:27 - Uwumbɔr aagbaŋ

²⁷ Sin Benjaminn, aa ga li naahn takɔ u ku tinann kichakpiik ni, ni kijook na la.”

Mpiin 49:27 Iomraidhean Croise

Mpiin 35:18

Rachel mu nan labr nkun a, le waah ti fuur kookoo ki ban u kpo na, le u yin ubo ngbaan ke Benoni, le ute nan yin u ke Benjaminn.

Mpiin 46:21

Benjaminn mu aajapɔtiib le nan ye Bela, ni Beker, ni Asbel, ni Gera, ni Naamann, ni Ehi, ni Ros, ni Mupim, ni Hupim, ni Ard.

Mpiin 49:26

ki tii si tijikaar ni isui i lu ŋisubil mɔk aabɔŋ na, le ki tii si aayaajatiib aah nan kpa tiwan ni na mɔmɔk, ki tii si tiwan ni ga tii si mpopiin ki nyan ni n‑yaayoonn na aagongon na chee, Uwumbɔr cha tinyoor ngbaan li bi sin Josef pu, sin le Uwumbɔr nyan si aanaabitiib ponn ni ki di uŋaal paan aa pu.

Mpiin 49:28

Israel yaab aanibol kipiik ni ŋilee ŋimina le nan ye Jakob aabim. Waah nan di tibɔr ti ŋeer bi mɔmɔk, ki di chɔi bi na, le na.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Esekiel 22:25

Kaasalolm bi ke ichinn na la, le ki ŋuuni yaah ku tinann ti na pu. Bi ku binib, le ki yoor ŋimombil ni liwangol li bi kan na, le baanikul ngbaan pu bikpopiib pam bi.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Nkahm 23:24

Israel yaab aanibol naahn uchinn sakpiin la. U yaa kan waadin kan, waan kal fuur see u chuu u ki bii u, le ki nyu waah ku bi na aasin kookoo.”

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Lituln 20:29

M nyi ke m yaa kaa ki bi ni chee kan, binib ga dan nan bii nimi, ke ŋisapol aah chuun chur ipiih pu na.

Lituln 8:3

Le Sɔɔl pɔɔn ubaa, u ti bii Yesu aanib ki ŋa bi fam. U nan koo ŋidichal ŋidichal ponn ni ki ban bi, ki chuu nyan bijab ni bipiib mpɔɔn, ki ti di ŋa kiyondiik ni.

Lituln 9:1

Sɔɔl ma nan beenin kpa liŋuul Tidindaan aadidiliib pu, ki ban ke u chuu bi ki ku bi. U nan ban ke u buen Damaskus aatiŋ ni, ki ti ban bi, bijab ni bipiib mɔmɔk, ki chuu bi mpɔɔn, ki di tikululn buu bi, ki di gir dan Jerusalem. Le u buen Uwumbɔr aatotoorninkpel chee, ke u ŋmee kigbaŋ tii u. U yaa ti fuu Damaskus aatiŋ ni kan, u ga di kigbaŋ ngbaan mɔk mmeen aadir aaninkpiib, ke bi cha u chuu binib bi dii Yesu aasan na.

Ikaal 33:12

U nan ŋa tinyoor ŋa Benjaminn aanibol pu ki bui ke; “Linibol limina le Uwumbɔr gee, le ki kii li. Uma le bii bi pu iwiin mɔmɔk, le ki bi bikaasisik ni.”

Filipi 3:5

Maah nan ye iwiin iniin aabo na, bi nan gii nchakpaln. M ye Juu yaab aabo, ki ye Benjaminn aanibol ponn ni aanii ubaa la. M ye Hiibru yaab aabo bamɔnn la. M nan dii Moses aakaal, Farisii yaab aah dii pu na.

Bibɔjirb 20:21

Benjaminn aatɔb aajab nan nyan ni baatiŋ ni; ki joo cha ni kijook wɔb na, Benjaminn aajab nan ku Israel yaab biken na aajab ŋichur moninko ni ŋilee.

Bibɔjirb 20:25

Benjaminn aatɔb aajab mu nan ki nyan ni Gibea aatiŋ ni. N‑yoonn mue ma, bi nan ku Israel yaab biken na aatɔb aajab ŋichur kipiik ni ŋiniin la.