Mpiin 49:24 - Uwumbɔr aagbaŋ

²⁴ Saatɔm aa diŋni, le aaŋaal mu pɔɔ. Aate Jakob Aawumbɔr Mpɔɔnsakpiindaan, uma Uwumbɔr u lik Israel yaab na le tii si mpɔɔn.

Mpiin 49:24 Iomraidhean Croise

Mpiin 45:11

Aa yaa bi Gosenn aatiŋ ngbaan ni kan, m ga li lik si. Nkon aabin gur ŋiŋmu la, le maa ban ke aa ni saamaal, ni tiwakor kpo nkon.”

Mpiin 45:5

Tɔ, naah nan kooh mi na, ni taa cha nisui bii, ki taa galn nibaa naah ŋa pu na. Ni ye mbamɔn ke Uwumbɔr le nan cha m dan do, ke binib pam ŋmar m pu.

Mpiin 45:7

Uwumbɔr le tun lijinjiir aatuln ki cha m loln nsan dan do, ke m nan gaa nimi, ni nimi aamaal lii.

Mpiin 47:12

Le Josef ban tijikaar tii ute, ni ukpetiib, ni ute aamaal aanib mɔmɔk, hali ki kpee biwaatiib mu.

Mpiin 48:15

le ki mee tinyoor ŋa Josef pu ke: “Uwumbɔr u ye ntetiib Abraham ni Aisak Aawumbɔr na, ŋa tinyoor ŋa mbim bee pu. Cha Uwumbɔr u lik mi ki nan saa din wee na, ŋa tinyoor ŋa bi pu.

Mpiin 49:23

Saadim aah nan si pu na, bi ŋa si falaa sakpen, le ki joo baatɔi ni ipiin ki san dii si.

Mpiin 50:21

Taa li san ijawaan ibaa man. M ga lik nimi, ni nimi aamaal mɔmɔk.” Nima chee le u nan gir bui bi iliinyaan ni, le tibɔr ngbaan koo bisui ni.

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

2 Bibɔrb 13:16

le Elaisa bui u ke u gor ke waah ban u too mpiin le na. Le ubɔr nan ŋa kina, le Elaisa di uŋaal paan ubɔr aaŋaal pu.

Nehemia 6:9

Bi nan bi pɔɔni bibaa ke bi faan timi le ti di cha lituln ngbaan. Le m mee Uwumbɔr ke, “Tɔ, dandana wee, Uwumbɔr, moo tii mi mpɔɔn.”

Job Aagbaŋ 29:20

Unibɔn mɔmɔk nan pak mi la, le m nan kpa mpɔɔn n‑yoonn mɔmɔk.

Ilahn 118:22

Litakpal li bidimaab yii li na, lima le ye litakpajal.

Ilahn 132:1

Uwumbɔr, taa suln David, ni waah nan jin falaa u mɔmɔk na pu.

Ilahn 132:2

Uwumbɔr, teer tipuur ti u nan puu na tii si u ye Mpɔɔnsakpiindaan u Jakob mu nan dii na.

Ilahn 132:5

see m ti maa nin chee Uwumbɔr ga li koo na, uma Uwumbɔr Mpɔɔndaan u tiyaaja Jakob nan dii u na.”

Ilahn 18:1

Uwumbɔr, maah gee si pu na aa kpa ŋŋaŋ. Sin le ye maapɔɔn.

Ilahn 18:30

Uwumbɔr ma aabimbin ŋan ti nyaŋ le aa ga ŋmaa li kpa waamɔbon pu limakl. U naahn kijaak aapeln le ki tii binib bimɔk ban waaterm na.

Ilahn 23:1

Uwumbɔr le ye u joo mi ke upihdaan aah joo waapiih pu na; m kpa maah ban tiwan nimɔk na.

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Ilahn 28:8

Uwumbɔr kii waanib la; u ter waah lee ubɔr u na, le ki gaal u lir.

Ilahn 44:7

le sin ma gaa timi, timi aadim aaŋaal ni lii, le ki nyaŋ binib bi kaa gee timi na.

Ilahn 73:23

Tɔ, m mu nan beenin bi gbɔk si, le aa di aaŋaal chuu mi.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Ilahn 89:1

Uwumbɔr, n‑yoonn mɔmɔk m ga li gaa ilahn saageehm mu bi n‑yoonn mɔmɔk na pu; m ga li mooni ke aa ŋani saah len pu na ki ti saa n‑yoonn mu kaa kpa ndoon na.

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 29:24

Bijɔrb ga bae nlan ki bee baah ga dii nsan mu na, le binib bi ŋulni n‑yoonn mɔmɔk na ga li gur kpa mpopiin ki gaa nsurm.”

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 60:16

Ŋitimbol ni bibɔrb le ga li tun tii si, ke ubo aana aah kpiini u pu aan u ti chikr na. Aa ga bee ke min Uwumbɔr le gaa si lii; min Israel yaab Aawumbɔr Mpɔɔnsakpiindaan na le gaa si lii kookoo.

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

Sekaria 3:9

M ban m di litakpal libaa li kpa ŋipepel ŋilole na bil Josua aanimbiin ni. M ga di kichiln ŋmee tiwan paan li pu, le ki di liwinbaal nyan kitiŋ kimina aatunwanbir.

Matiu 21:42

Le Yesu baa bi, “Naah kee karn Uwumbɔr Aagbaŋ aah len pu na aa? ke, ‘Litakpal li bidimaab yii li na, lima le ye litakpajal. Uwumbɔr le ŋa kina, le ni gar timi pam.’

Tibɔnyaan ti Mak ŋmee ti na 12:10

Naa karn Uwumbɔr Aagbaŋ aah len pu na aa? ke, ‘Litakpal li bidimaab yii li na, lima le ye litakpajal.

Tibɔnyaan ti Luk ŋmee ti na 20:17

Le Yesu lik bi, ki bui bi, “U yaa kaa ŋa bi kina kan, Uwumbɔr Aagbaŋ aah len pu na aatataa ye kinye? ke, ‘Litakpal li bidimaab yii li na, lima le ye litakpajal.’

Lituln 4:11

Yesu aabɔr ŋmee Uwumbɔr Aagbaŋ ni ke, ‘Litakpal li bidimaab yii li na, lima le ye litakpajal.’

Rom Yaab 14:4

Aa ye ŋma ki galn uken aatutunn? U yaa sil kan, u sil ki tii uma ubaa Aadindaan la. U yaa ti ki lir kan, u lir ki tii uma ubaa Aadindaan la. Ni ye mbamɔn, u ga sil; ba pu? Uwumbɔr ga ŋmaa cha u sil.

Efesusi 2:20

Nimi Yesu aanib naahn kidiik la. Bi maa nimi lidinyikl li ye Yesu aakpambalb ni Uwumbɔr aabɔnabtiib na pu la. Yesu Kristo ubaa le ye lidinyikl ngbaan aatakpakpaan.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Ikaal 33:27

Uwumbɔr le nyaŋni ki kii nimi n‑yoonn mɔmɔk. U joo uŋaal mu bi, kaa kpa ndoon na le kii nimi. Naah tur koo nimi aadim ponn ni ki cha na, le u jenn nyan bi tii nimi, le ki bui nimi ke ni kuln bi mɔmɔk.

Ikaal 34:9

Le Nunn aajapɔɔn u bi nan yin u ke Josua na nan kpa nlan mu nyani Uwumbɔr chee na, ba pu? Moses nan nyan uma le ke u gaa waasisiiyaan. Israel aanib nan kii Josua aamɔb, ki mu joo ikaal imɔk Uwumbɔr nan di mɔk Moses aan u mu di i tii bi na.

Kolosiya 1:11

Ti mee u tii nimi ke waah kpa mpɔɔn sakpen pu na, u tii ni mu mpɔɔn, aan ni li kpa limɔr falaa ponn ni n‑yoonn mɔmɔk, ki li kpa mpopiin,

2 Timoti 4:17

Tidindaan le nan sil mpuwɔb, ki tii mi mpɔɔn m len waabɔr mɔmɔk, aan bi mɔmɔk ŋun. Waa cha ubɔjir len ke bi ku mi.

Josua 17:18

Ŋigongon aatiŋ ngbaan ga li ye nimi yaan. Mbamɔn, ki ye kichook la, ni ga ŋmaa gaa ki, ki maa nima, ki di ki mɔmɔk ŋa nimi aatiŋ. Kanaann yaab ma kan, baah kpa tikur aatɔroku mam ki pɔɔ sakpen pu na, ni ga ŋmaa jenn nyan bi.”

Bibɔjirb 1:22

Efraim ni Manase aanibol nan buen ti tak Betel aatiŋ, n‑yoonn ngbaan bi nan laa yin ki ke Lus la. Uwumbɔr nan ter bi. Bi nan tun bipepekb kitiŋ ngbaan ni,