Mpiin 48:9 - Uwumbɔr aagbaŋ

⁹ Le Josef bui u ke, “Maabim ye, Uwumbɔr aah tii mi mbim bi Ijipt aatiŋ kee ponn ni na le na.” Le Jakob bui u ke, “Li joo ni bi, aan m mee tinyoor ŋa bi pu.”

Mpiin 48:9 Iomraidhean Croise

Mpiin 27:4

ki nan ŋa tijikaar nyaan ti m gee sakpen na tii mi, m ji. M yaa jin doo kan, m ga ŋa maakookoo aanyoor ŋa aa pu, aan ki nin kpo.”

Mpiin 30:2

Jakob aaŋuul nan fii Rachel pu pam, le u bui u ke, “Maa ye Uwumbɔr ki gaa waatuln tun tii u. Uma le aa tii si mbim.”

Mpiin 33:5

Esɔ aah kan bipiib ni mbim na, le u baa ke, “Binib bee nyan ni la chee?” Le Jakob bui u ke, “Uwumbɔr aah ŋa tinyoor ŋa m pu ki tii mi bipiib ni mbim bi na le na.”

Mpiin 49:28

Israel yaab aanibol kipiik ni ŋilee ŋimina le nan ye Jakob aabim. Waah nan di tibɔr ti ŋeer bi mɔmɔk, ki di chɔi bi na, le na.

1 Bibɔrb Aabɔr 25:5

Uwumbɔr aah nan puu ke u ga cha waabɔnabr Hemann u joo waabɔr nabr ubɔr na kan mpɔɔn na, le u nan tii u mbijabim kipiik ni binaa mue ni mpiibim mutaa mu.

Ilahn 127:3

Mbim ye Uwumbɔr aapiin le ki tii timi; bi ye tinyoor bamɔnn la.

Aisaya 8:18

M ni mbim bi Uwumbɔr tii mi na sɔ. Uwumbɔr Mpɔɔnsakpiindaan u aabɔrjal bi Sionn aajool paab na le di timi tun ni ke ti nan li ye limɔkl ki tii Israel yaab.

Ikaal 33:1

Uwumbɔr aanii Moses aah nan ŋa tinyoor ti ŋa Israel aanib pu aan ki nin kpo na sɔ:

Hiibru Yaab 11:21

Jakob nan gaa Uwumbɔr ki kii, nima le nan cha u ŋa Uwumbɔr aanyoor ŋa waabo Josef aabim bilee pu buyoonn u nan ban u kpo na, le ki nyii waajaangbeedabil pu, ki doon Uwumbɔr.

1 Samuel 1:20

Kina pu na, ni nan ye le ke u di dek, ki maa ubijabo. U nan yin u ke Samuel, le ki kpiir len ke, “M mee u Uwumbɔr chee la.”

1 Samuel 1:27

M nan mee u ubo wee la, le u tii mi maah ban pu na.