Mpiin 48:4 - Uwumbɔr aagbaŋ

⁴ U nan bui mi ke, ‘M ga tii si mbim pam, nima kan, saamaal ga ŋa ŋitimbol ŋi wiir na. M ga di kitiŋ kee tii saamaal ki li ye biyaan ki cha n‑yoonn mu kaa kpa ndoon na.’”

Mpiin 48:4 Iomraidhean Croise

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 17:13

See ni mɔmɔk gii ŋichakpan, aan ni li ye limɔkl ke maah puu tipuur ti tii si na aa kpa ndoon.

Mpiin 17:6

M ga tii si yaabitiib pam, le ngem ga li ye bibɔrb. Aa ga li kpa yaabitiib sakpen, le bi ga ŋa ŋitimbol pam.

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 28:3

Uwumbɔr Mpɔɔnsakpiindaan ŋa tinyoor ŋa aa ni aapuu pu, ki cha ni maa pɔr sakpen, nima kan, aa ga li ye ŋitimbol pam aate.

Mpiin 32:12

Teer ke aa nan puu tipuur tii mi ke aa ga li kii ki ter mi tiwan mɔmɔk ni, ki ga cha m maa pɔr, le n‑yaabitiib ga li wiir ke litambol li dɔ limɔɔl aagbaan na, le ubaa aan ŋmaa kahn bi.”

Mpiin 35:11

Le Uwumbɔr nan bui u ke, “Min le ye Uwumbɔr Mpɔɔnsakpiindaan. Maa, ki pɔr, ki li kpa mbim. Aayaabitiib le ga li ye ŋitimbol pam, le aa ga li ye bibɔrb aayaaja.

Mpiin 46:3

Le Uwumbɔr bui u ke, “Min le ye Uwumbɔr, u ye aate Aawumbɔr na. Taa san ijawaan ke saan buen Ijipt aatiŋ ni. M ga ŋa saamaal litimbol sakpeln kitiŋ ngbaan ni.

Mpiin 47:27

Israel yaab nan bi Gosenn aapepel ni, Ijipt aatiŋ ni, le bi ma mbim pam, ki kan liwangol mu pam.

Ilahn 127:3

Mbim ye Uwumbɔr aapiin le ki tii timi; bi ye tinyoor bamɔnn la.

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Nnyam 1:7

le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Esekiel 37:25

Bi ga li bi kitiŋ ki m nan di tii maatutunn Jakob, nin chee biyaajatiib nan bi na. Bi ga li bi nima chee ki ti saa n‑yoonn mu kaa kpa ndoon na, le baabim ni biyaabitiib mɔmɔk mu ga li bi nima kina. Ubɔr u bi ke maatutunn David na le ga li joo bi ki ti saa n‑yoonn mu kaa kpa ndoon na.

Liifai Yaab 26:9

M ga ŋa nimi tinyoor ki tii nimi mbim pam. Maah puu tipuur ti tii nimi na, m ga ŋa min yaan.

Ikaal 32:8

Uwumbɔr Mpɔɔnsakpiindaan le tii ŋinibol mɔmɔk baatim. Uma le nyan unii mɔmɔk aah ga kal nin chee na. Uma le siin ŋitimbol mɔmɔk aatim aanaanmɔk,