Mpiin 48:19 - Uwumbɔr aagbaŋ

¹⁹ Le ute yii, ki bui u ke, “Maabo, m nyi kina. Manase aamaal mu ga ŋa litimbosakpeln. Le unaal Efraim ga li ye u pu unikpaan, le waamaal mu ga ŋa ŋitimbosakpeln.”

Mpiin 48:19 Iomraidhean Croise

Mpiin 17:4

“M puu tipuur tii si ke aa ga li ye ŋitimbol pam aate.

Mpiin 25:23

Le Uwumbɔr nan bui u ke, “Ŋinibol ŋilee le bi aaponn ni; saah ga maa bijaam bi na ga li ye ŋinibol ŋilee aanib la, le ubaa ga li pɔɔ jer uken, upol le ga nan li tun tii uwaatiir.”

Mpiin 25:28

Esɔ aah nan ye ukpan ki ku ipeel tii ute Aisak pu na, le u nan gee u pam, le Rebeka mu nan gee Jakob.

Mpiin 28:14

Bi ga li wiir ke kitiŋ aatanbol na. Bi ga yaa gbiin dulnyaa wee ni mɔmɔk. Le sin pu, ni aayaabitiib pu, m ga ŋa tinyoor ŋa ŋinibol mɔmɔk pu.

Mpiin 46:3

Le Uwumbɔr bui u ke, “Min le ye Uwumbɔr, u ye aate Aawumbɔr na. Taa san ijawaan ke saan buen Ijipt aatiŋ ni. M ga ŋa saamaal litimbol sakpeln kitiŋ ngbaan ni.

Mpiin 48:14

Le Jakob aah ban u mee tinyoor ŋa bi pu na, le u di uŋaal punn ki di paan bi pu, le ki di uŋangii paan Efraim, uwaatiir pu, ki di uŋangan paan Manase, upol pu,

Mpiin 48:18

le ki bui ute ke, “Nte, naa ye kina, umina le ye ubopol. Di aaŋangii paan u pu.”

Aisaya 7:17

“Uwumbɔr ga di tibɔbir aayoonn lii ni aa ni saanib pu, ni nnaan aadichal mɔmɔk pu. Ti ga jer tibɔbir ti dan nnaan ngbaan ni, buyoonn Israel yaab ni Juda yaab nan yakr tɔb chee ki nan saa din na. U ban u yin ni Asiria yaab aabɔrkpaan la.

Esekiel 27:10

“Pesia, ni Lidia, ni Libia aatɔb aajab nan bi saatɔb aajab ni. Bi joo baajaak aapen ni baayikpupur leeni saajab aakookoo yaan ni la. Bima le ye bijab bi gaa kipak tii si na.

Ikaal 1:10

Nidindaan Uwumbɔr cha ni pɔr ki wiir ke iŋmabi i bi paacham na.

Ikaal 33:17

Josef aapɔɔn bi le ke unaaja aapɔɔn na, ki pɔɔ ke upɔɔnaa aayiin na, Mubaa le ye Manase aataŋaal ni aanibol aachur na, le muken ye Efraim aataŋaal ni aanibol ŋichur kipiik. U ga di waapɔɔn ngbaan le nyaŋ ŋitimbol ŋi bi na, ki tur ŋi buen dandar.”