Mpiin 48:1 - Uwumbɔr aagbaŋ

¹ N‑yoonn mubaa bi nan tuk Josef ke ute buŋ. Nima pu le u nan yoor ujapɔtiib bilee, Manase ni Efraim, le bi buen bi ti mann ute Jakob.

Mpiin 48:1 Iomraidhean Croise

Mpiin 46:20

Le Josef aah bi Ijipt aatiŋ ni na, u nan ma mbijabim bilee, Manase ni Efraim. U ni upuu Asenaf, u aate nan ye Potifera u nan ye utotoor, aan ki nyan ni Heliopolis aatiŋ ni na le nan ma bi.

Mpiin 48:2

N‑yoonn mu Jakob ŋun ke ujapɔɔn Josef dan u nan mann u na, le u pɔɔn ubaa ki fii kal waawandookaan pu.

Mpiin 48:5

Jakob nan ki bui u ke, “Josef, saabim mulee mu aa ma Ijipt aatiŋ ni do aan m nin fuu ni na, min le yeh bi. Efraim ni Manase mu ye maabim le ke Rubenn ni Simeonn aah ye pu na.

Mpiin 50:23

U nan bi ki kan ujapɔɔn Efraim aabim ni uyaabisɔsɔk. U nan ki kan uyaabil Makir, u ye Manase aajapɔɔn na aabim mu.

2 Bibɔrb 13:14

Iween i bir sakpen na nan chuu Uwumbɔr aabɔnabr Elaisa, le waah dɔ kibundiik ni na, Israel yaab aabɔr Jehoas buen u ti mann u. U nan wii le ki bui Elaisa ke, “Nte, nte, sin le ye Israel yaab aakikiir kpaan.”

2 Bibɔrb 13:20

Elaisa nan kpo, le bi di u sub. Libiln mɔk kan, Moab aajab nan koo ni Israel aatiŋ ni le ki nan tak bi.

Job Aagbaŋ 42:16

Job nan ki bi nee aapuwɔb ki ti saa ŋibin nkub ni imonko ilee la, le ki nan kan uyaabitiib ni uyaabisɔsɔk,

Ilahn 128:6

Uwumbɔr cha aa li bi ki nan kan aayaabitiib. Nsuudoon li bi Israel yaab pu.

Jɔnn 11:3

Waah bun na, le uninkpatiib tun unii u ti tuk Yesu, “Tidindaan, unii u aa gee u na bun.”

Hiibru Yaab 11:21

Jakob nan gaa Uwumbɔr ki kii, nima le nan cha u ŋa Uwumbɔr aanyoor ŋa waabo Josef aabim bilee pu buyoonn u nan ban u kpo na, le ki nyii waajaangbeedabil pu, ki doon Uwumbɔr.