Mpiin 47:7 - Uwumbɔr aagbaŋ

⁷ Le Josef di ute Jakob mu buen ubɔr chee u ti doon u. Jakob nan mee tinyoor ŋa ubɔr ngbaan pu.

Mpiin 47:7 Iomraidhean Croise

Mpiin 14:19

le ki ŋa tinyoor ŋa u pu, ki bui ke, “Uwumbɔr u kaa kpa ŋeen aatɔ, ki naan paacham ni kitiŋ na, ŋa tinyoor ŋa Abram pu.

Mpiin 35:27

Le Jakob fuu ute Aisak chee Mamre aatiŋ ni, ki bi gbɔk Hebronn chee la, nin chee Abraham ni Aisak nan bi n‑yoonn mubaa na.

Mpiin 47:10

Le Jakob chɔi ubɔr, ki ki ŋa tinyoor ŋa u pu, le ki gir buen waamaal chee.

Mpiin 47:8

Le ubɔr ngbaan baa u ke, “Aa ye ŋibin ŋiŋa?”

2 Samuel 14:22

Le Joab tar gbaan David aanimbiin ni, kipak ponn ni, le ki bui ke, “Mpɔɔndaan, Uwumbɔr ŋa tinyoor ŋa aa pu. Dandana wee m bee ke aasui piin m pu; ba pu? aa kii ki ŋa maah mee pu na.”

2 Samuel 19:39

Le David ni waajab mɔmɔk puur Jɔɔdann Aamɔɔl. U nan moor Basilai aatakpiln, ki mee Uwumbɔr aanyoor ŋa u pu, le Basilai gir kun linampal.

2 Samuel 8:10

Le u tun ujapɔɔn Joram, ke u ti doon ki pak ubɔr David, waah nyaŋ Hadadeser, u ni uma Toi faa tɔb butɔb sakpen na pu. Joram nan joo salmaa, ni tikunabr, ni tikumann aapiin ti tii David.

1 Bibɔrb 1:47

Ti ki kpee na le ye ke ubɔr aaninkpiib koo, ke bi ti di baapak tii Mpɔɔndaan Ubɔr David, le ki bui ke, ‘Saawumbɔr cha Solomonn li kpa liyimbil ki jer si, ki cha Solomonn aanaan yoonn li kpa nkam jer sin yoo.’ Le Ubɔr David timm uyil waawandookaan pu, ki doon Uwumbɔr,

1 Bibɔrb 8:66

Winiin daal le Solomonn nan cha binib ngbaan kun. Bi mɔmɔk nan pak u, le ki kun, ki kpa mpopiin, Uwumbɔr aah nan di tinyoor ti mɔmɔk tii waatutunn David, ni waanib Israel yaab na pu.

2 Bibɔrb 4:29

Le Elaisa fenn lik Gehasi wɔb le ki bui ke, “Yoor maajaangbeek ki li san mala. Taa sil nsan ni ke aa doon unii ubaa, le unii yaa doon si kan, taa sil ke aa kii. Li cha lidichal ngbaan ni ki ti di maajaangbeek jɔnn ubo ngbaan pu.”

Nnyam 12:32

Li joo nimi aawakor cha man, ki ti mee ke Uwumbɔr ŋa m pu tinyoor.”

Matiu 26:26

Baah bi ji tijikaar na, le Yesu yoor boroboro, le ki doon Uwumbɔr, ki gii, ki di tii waadidiliib, ki bui bi, “Gaa ki li ŋmɔ man. Nwon le na.”

Tibɔnyaan ti Luk ŋmee ti na 22:19

Le u yoor boroboro, le ki doon Uwumbɔr, ki gii, ki di tii waadidiliib ki bui bi, “Maawon le na. Nimi aatunwanbir pu le m tii tiwon tee. Ni li ŋmɔ kina aan ki li teer mbɔr.”

Josua 14:13

Josua nan mee Uwumbɔr aanyoor ŋa Jefune aajapɔɔn Kaleb pu, le ki di Hebronn aatiŋ tii u, ke ki li ye waatiŋ.

Josua 22:6

Josua nan mee Uwumbɔr aanyoor ŋa bi pu, le ki cha bi gir kun, le ki di tibɔr tee sur bi, “Ni joo liwangol le ki gir chaa kun: tiwakor, ni tikunabr, ni salmaa, ni tikumann, ni tikur, ki kpee tiwanpeenkaan pam. Naah gaa tiwan ni nimi aadim chee na, ni ti yakr ni tii niŋeen aatɔtiib biken.” Le bi siir buen. Moses le nan di kitiŋ ki bi liwipuul, Jɔɔdann Aamɔɔdapuul wɔb na tii Manase aanibol ligeln. Josua mu nan ban kitiŋ Jɔɔdann Aamɔɔl aawilir wɔb, ki tii Manase aanibol ligeln li gur na, ŋinibol ŋiwae na chee.

1 Piita 2:17

Ni li pak binib mɔmɔk, ki li gee binib bimɔk dii Yesu aasan na, ki li san Uwumbɔr, ki li pak ubɔrkpaan na.

1 Samuel 2:20

Le Eli ga ŋa Uwumbɔr aanyoor ŋa Elkana ni upuu pu, ki bui Elkana ke, “Uwumbɔr tii si mbim muken upii wee chee aan bi leŋ naah di ubo u tii u na aaleleŋ.” Nee aapuwɔb le bi gir kun.