Mpiin 47:6 - Uwumbɔr aagbaŋ

⁶ kitiŋ ngbaan mu ye biyaan la. Cha bi ti kal Gosenn aapepel ni, nin chee ŋan sakpen na. Binib bi nyi lituln ngbaan na bibaa yaa bi bi ponn ni kan, nyan bi aan bi li lik maawakor tii mi.”

Mpiin 47:6 Iomraidhean Croise

Mpiin 13:10

Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Mpiin 13:9

Cha ti yakr tɔb chee. M tii si nsan, pue lee saah gee lipepel li wɔb na. Nima kan, aa ni saanib ga li bi nibaa wɔb, aan m mu ni maanib li bi niken wɔb.”

Mpiin 20:15

le ki bui u ke, “Min le yeh kitiŋ kee. Lik saah gee nin chee na ki li bi nima.”

Mpiin 34:10

Nima le ga cha ni li bi do, ki maa ŋidichal naah gee nin chee na, ki li chuun tiir kitiirk nibaa pu, aan ki li kpa nibaa aatiŋ.”

Mpiin 45:10

Aa dan ki nan li bi Gosenn aapepel wɔb, ki li mal mi. M ga ŋmaa lik aa ni saabim, ni aayaabitiib, ni saapiih, ni iŋoob, ni inaa, ni saah kpa tiwan nimɔk na.

Mpiin 46:34

ni tuk u ke ni ye binib bi lik tiwakor na la, ke niyaajatiib aatuln le ni tun. Nima kan, u ga di Gosenn aapepel tii nimi.” Tiwan ni cha Josef len kina na le ye ke Ijipt yaab aan kpaan binib bi lik tiwakor na chee.

Mpiin 47:11

Le Josef ŋa ubɔr ngbaan aah nan bui u ke u ŋa pu na, ki di ute ni ukpetiib kaan kitinyaan ki bi Rameses aatiŋ chee na.

Mpiin 47:16

Le Josef bui bi ke, “Li joo ni nimi aawakor man. Nimi aamombil yaa doo kan, m ga di tijikaar kpeln nimi tiwakor la.”

Mpiin 47:4

Ti dan ke ti nan li bi kitiŋ kee ni, ba pu? nkon ngbaan pɔɔ Kanaann aatiŋ ni sakpen a, le timoor aa ki bi tiwakor ŋmɔ. Ubɔr, tii timi nsan ti li bi Gosenn aapepel, saatiŋ kee ni.”

Mpiin 47:5

Le ubɔr ngbaan bui Josef ke, “Aate ni aakpetiib aah fuu ni Ijipt aatiŋ ponn ni na,

1 Bibɔrb 11:28

Jeroboam nan ye unachipɔɔn u kpa liyabr na la, le Solomonn aah kan u tun lituln sakpen pu na, le u di u ŋa binaagbiib bi bi Manase ni Efraim aanibol aapepel ni na aayidaan.

2 Bibɔrb Aabɔr 26:10

U nan ki maa kina aadir timoor ni, le ki gbii inyunbun pam. Waah nan kpa tiwakor sakpen liwilir wɔb aajoo ŋi bi ŋijoosakpiin taab na ni pu na, le nan cha u ŋa kina. Waah nan gee tikpaar pu na, le u nan pɔɔk waanib aataakpab ke bi ŋum ndaan aasubil aasui ŋigongon aatim ni, ki ko tisar ntim mu nyuun na ni.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Nnyam 18:25

le ki nyan Israel yaab ponn ni bijab bi ga ŋmaa toor biken aabɔr na. U nan di binib lichur lichur, ni nkub nkub, ni piiŋmu piiŋmu, ni kipiik kipiik, ki tii bisalolm ngbaan, bi mɔmɔk aah ga ŋman pu na.

Nnyam 9:10

Kina pu na, bi nan ban nfatan le ki ti sil ubɔr aanimbiin ni; le Moses di mu mee yaa paacham, le mu kpaln ŋichakpelar ki ŋa ibuun, ki baan binib ni tiwakor pu.

Nnyam 9:21

Bibaa mu yii, kaa pak Uwumbɔr aasurm, le ki cha baawakor, ni baatutum bi lipaal.

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Ŋiyataŋak 22:29

Unii u bi ki tun waatuln mbamɔm na jer binib biken, le ki ga li ye bibɔrb aajɔ.

Jeremia 40:4

Dandana m ban m chuu gbinn tikululn ti gbin aaŋaal na le ki di si lii. Aa yaa gee ke aa dii mi buen Babiloŋ ni kan, aa ga ŋmaa ŋa kina, m ga li joo si. Tɔ, aa yaa kaa gee ke aa buen kan, naa yee mpɔɔn. Kitiŋ kee mɔmɔk ye sin yaan le ke aa lee saah gee ni na, aa ga ŋmaa buen saah gee nin chee na.”

Jɔnn 17:2

ba pu? aa ŋa mi binib mɔmɔk Aadindaan ke m di limɔfal li kaa kpa ndoon na, ki di tii saah tii mi binib bi na mɔmɔk.

1 Samuel 21:7

Sɔɔl aanaakpaaninkpel, u bi yin u ke Doeg na, aan u nyan Edom aatiŋ ni na, nan bi nima liyaadaal ngbaan; ba pu? u nan bi nima u toor ubaa nsan mu u dii na pu la.