Mpiin 47:29 - Uwumbɔr aagbaŋ

²⁹ N‑yoonn mu u bee ke naan ki yunn u ga kpo na, le u yin ujapɔɔn Josef, le ki nan bui u ke, “Di aaŋaal ŋa ntaapaln taab ki puu tipuur ke saan cha maawon bee Ijipt aatiŋ ni do.

Mpiin 47:29 Iomraidhean Croise

Mpiin 24:2

U nan bui waanaagbiijapol u lik waatuln mɔmɔk na, ke u di uŋaal ŋa uma Abraham aataapaln taab, ki puu tipuur ke,

Mpiin 24:49

Tɔ, ni yaa kii ke ni ga ŋa maaninkpel aah ban pu na kan, tuk mi; ni yaa kaa ti ki kii kan, tuk mi, aan m mu dakl lik maah ga ŋa pu na.”

Mpiin 27:2

Aisak nan bui u ke, “Aa kan ke m por sakpen a, naan ki yunn, nibaakan m ga kpo.

Mpiin 3:19

Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

Mpiin 48:21

Le Jakob bui Josef ke, “Aa kan aa? Naan ki yunn m ga kpo; Uwumbɔr mu le ga li bi ni chee ki giin nimi buen niyaajatiib aatiŋ ni.

Mpiin 50:12

Kina le Jakob aajapɔtiib nan ŋa waah nan bui bi ke bi ŋa pu na;

Mpiin 50:5

‘N‑yoonn mu nte nan ban u kpo na, u nan cha m puu tipuur ke u yaa kpo kan, m di waawon ti sub Kanaann aatiŋ ni, likaakul li u nan toor siin ubaa na ponn ni. Kina pu na, maaninkpel, tii mi nsan m di u buen ti sub nima chee aan ki gir ni.’”

2 Samuel 14:14

Ti mɔmɔk ga kpo, ti naahn nnyun mu kpir kitiŋ, aan baan ki ŋmaa faa mu na la. Hali Uwumbɔr ubaa aa cha binib bi kpo na ki gir ni limɔfal ni, le ubɔr ma tee ga ŋmaa kan nsan ki cha unii u san kikusɔŋ na gir ni.

2 Samuel 2:32

Joab ni waajab nan yoor Asahel, ki ti di sub baadichal aakaakul ponn ni, Betlehem aatiŋ ni la, le ki chuun kinyeek ngbaan ki ti fuu Hebronn lichakpitaawoln.

2 Samuel 7:12

Aa yaa nan kpo aan bi sub si aayaajatiib chee kan, le m ga ŋa aajapɔɔn ubaa ubɔr, ki cha waanaan li pɔɔ.

1 Bibɔrb 2:1

David aah nan ban u kpo na, le u yin ujapɔɔn Solomonn, ki nan di waakookoo aasurm tii u ke:

Job Aagbaŋ 14:14

Unibɔn yaa kpo kan, u ga ki ŋmaa gir ni limɔfal ni ii? Le m ma ga kiir n‑yoonn mu ŋan na; m ga kiir aan tibɔr aayoonn mue ti jer doo.

Job Aagbaŋ 30:23

M nyi ke aa joo mi cha maakun ni la, aa joo mi cha ndoon mu dɔ kii unii mɔmɔk na ni la.

Job Aagbaŋ 7:1

Unibɔn aamɔfal bi ke baah joo uja mpɔɔn kooni butɔb aatuln ni pu na la, ki naahn ŋŋaal aatuln li pɔɔ na,

Ilahn 49:7

Unii aan ŋmaa pa ki gaa ubaa aamɔfal; waan ŋmaa pa Uwumbɔr waamɔfal pu,

Ilahn 49:9

ke ni taa cha u koo likaakul ni, ki tii u limɔfal li kaa kpa ndoon na.

Ilahn 6:5

Ubaa aa teer aabɔr kitekpiitiŋ ni; ubaa aan ŋmaa pak si nima.

Ilahn 89:48

Ŋma ga li bi kaan kpo? Unibɔn aan ŋmaa mɔk ke waan kpo.

Ikaal 31:14

Uwumbɔr nan bui Moses ke, “Saan ki li bi ki yunn. Kina pu na, di Josua dan Maabool ni aan m nan mɔk u waatuln.” Le Moses ni Josua nan dii buen Libool ngbaan ni.

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Hiibru Yaab 11:22

Josef nan gaa Uwumbɔr ki kii, nima le waah nan ban u kpo na, u len ke Israel yaab ga nya Ijipt aatiŋ ponn ni, ki tuk bi ke bi yaa nan nyan kan, bi yoor waawon di buen.

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.

Josua 2:14

Le bijab ngbaan bui u ke, “Aa yaa gaa timi lii kan, ti mu ga gaa nimi lii. Aa yaa kaa tuk unii ubaa taah chuun pu na kan, ti puu ke Uwumbɔr yaa di kitiŋ kee tii timi kan, ti ga ŋa nimi tiŋann.”

Josua 23:14

“Dandana wee, ni ŋeer ke m kpo. Ni mɔmɔk nyi nisui ni, ni nimi aawiin ni, ke Nidindaan Uwumbɔr le tii nimi tiwanyaan nimɔk u puu ke u ga tii nimi na. Tipuur timɔk u puu na, u ŋa ti mɔmɔk; tibaa kina aa bee fam.

1 Samuel 26:10

David nan ki len ke, “Uwumbɔr u bi n‑yoonn mu kaa kpa ndoon na pu, m nyi ke Uwumbɔr ubaa le ga ku Sɔɔl. Nibaakan ni ga nan li ye waakun la, bee u ga nan kpo butɔb ponn ni la.