Mpiin 47:23 - Uwumbɔr aagbaŋ

²³ Le Josef bui Ijipt yaab ke, “Ni kan ke dandana wee m daa nimi, ni nimi aakpaakon mɔmɔk, ki di tii ubɔr a. Ni gaa njikaabim ki ti bu ikpaakon ni man.

Mpiin 47:23 Iomraidhean Croise

Mpiin 41:27

Inaa kpɔkpɔr ilole, ni ŋikalmaan ŋilole ŋi kaa gbei na mu ye ŋibin ŋilole ŋi nkon ga lir na la.

Mpiin 45:6

Nkon mue aabin ŋilee le na; ŋibin ŋiŋmu mu le paa ni, ki choo na, le ubaa aan ŋmaa ko, ki mu aan chee nibaa.

Mpiin 47:22

Bitotoorb aakpaakon baanja le waa nan daa. Ba pu? ubɔr le nan luu bi.

Mpiin 47:24

Buyoonn ni nan chee tijikaar ngbaan na kan, see ni mɔmɔk yakr nimi aajikaar nfum muŋmu pu, ki nyan nibaabaa tii ubɔr. Le tijikaar ti gur na, ni ni nimi aamaal li ji, ki di ngem mu ŋa libuul.”

Ilahn 112:5

Unii u pinn biken tiwan, kaa san ijawaan, kaa kpa beebee waatuln ni na kpa mpopiin.

Ilahn 41:1

Binib bi aatafal bi bigiim wɔb na, bima le kpa mpopiin; Uwumbɔr ga ter bi buyoonn bi bi tibɔr ni na.

Ŋiyataŋak 11:26

Binib puuni lir unii u joo njikaabim siini ke mu moo ŋa kidaak na pu, le ki pak unii u nyan waajikaabim siin kinyaŋ ni ke binib daa na.

Ŋiyataŋak 12:11

Ukpaal u tun sakpen na kpa sakpen ke u ji, le ni ye kijɔrk ke aa li chuun tun ŋitun ŋi kaa kpa tinyoor tibaa na.

Ŋiyataŋak 13:23

Baah kaa ko kitiŋ ki pu na ba ga tii bigiim tijikaar sakpen, le bibiindam cha ki dɔ fam.

Ulandaan 11:6

Li bu saajikaabim kichakpiik ni, ni kijook mu. Saan ŋmaa bee ke ni mɔmɔk ga nan ŋa aan naan ŋa, kaan ki ŋmaa bee kichakpiik ni, ni kijook yaan ni ga ŋa jer niken na.

Aisaya 55:10

Maamɔboln naahn likpakpal ni utaal u nyani kitaapaak ki nan sɔŋni kitiŋ na, ki cha tijikaar muuni, ki tii binib njikaabim mu bi bu na, ni tijikaar bi ji.

Matiu 24:45

“Uyidaan ubaa yaa tii waatutunn ubaa tininkpir ke u li lik waachiln ni aanib ki tii bi tijikaar naah ŋeer buyoonn na kan, ututunn ngbaan ga ŋa kinye ki li kpa nlan, ki li tun waatuln mbamɔm?

2 Korenti 9:10

Uwumbɔr u di ŋijikaabil di tii unii u bu tijikaar na, ki tii binib tijikaar bi ji na, uma le ga tii nimi naah ban pu na mɔmɔk, ki jer kina, aan ni moo ter binib biken.