Mpiin 47:22 - Uwumbɔr aagbaŋ

²² Bitotoorb aakpaakon baanja le waa nan daa. Ba pu? ubɔr le nan luu bi.

Mpiin 47:22 Iomraidhean Croise

Mpiin 14:18

Le Melkisedek u nan ye Salem aabɔr, ki ki ye Uwumbɔr u kaa kpa ŋeen aatɔ na aatotoor na, nan joo ni tijikaar, ni ŋisubil aadaan nan tii Abram,

Mpiin 41:45

U nan tii Josef Ijipt yaab aayimbil, ki yin u ke Safenaf Panea, le ki di Potifera u nan ye utotoor ki bi Heliopolis aatiŋ ni na aabisal, u bi yin u ke Asenaf na, di tii Josef, u di ŋa upuu. Josef nan ye ŋibin piitaa le ki piin ubɔr do lituln. U nan nya ubɔrkpaan do lichiln ni, le ki chaa Ijipt aatiŋ aapepel mɔmɔk.

Mpiin 41:50

Waahr aan nkon aabin ngbaan nin fuu ni na, Josef aapuu Asenaf nan ma mbijabim mulee le tii u.

Mpiin 47:21

Josef nan cha Ijipt aatiŋ aanib mɔmɔk ŋa ubɔr aanaagbiib.

Mpiin 47:23

Le Josef bui Ijipt yaab ke, “Ni kan ke dandana wee m daa nimi, ni nimi aakpaakon mɔmɔk, ki di tii ubɔr a. Ni gaa njikaabim ki ti bu ikpaakon ni man.

Mpiin 47:26

Nima pu na, Josef nan siin nkaal Ijipt aatiŋ mɔmɔk ni, ke bimɔk yaa yakr baajikaar nfum muŋmu pu kan, mubaa li yeh ubɔr yaan. Le nkaal ngbaan beenin bi kina ki nan saa din, see bitotoorb aakpaakon baanja le baa di ŋa ubɔr yaan.

2 Samuel 8:18

le Jehoyada aajapɔɔn Benaya nan ye bijab bi kii David na aaninkpel, le David aajapɔtiib mu nan ye bisusurb.

Esra 7:24

Aa taa gaa bitotoorb, ni Liifai yaab, ni biwangbaab ni bilahngaab, ni bikikiib, ni bitutum, ni unii umɔk tun Uwumbɔr Aadichal ni aatuln na ubaa lampoo.

Nehemia 13:10

M nan ki ŋun ke Uwumbɔr Aadichal ponn ni aalahngaab, ni biwangbaab, ni Liifai yaab biken fii Jerusalem ki gir buen baasar ponn ni, ba pu? binib aa nan ki tii bi ni ga ŋeer bi bi kpiin bibaa na.

Matiu 10:10

ki taa li tu lituln, ki taa li joo libɔkul ki kpee naah pee li na pu, ki taa li joo ŋinaatak, ki taa li joo tijaangbar; ba pu? ni ŋan ke ututunn mɔmɔk ji waatuln pu la.

1 Korenti 9:13

Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.

Galantiya 6:6

Tɔ, binib bi bae Yesu aabɔnyaan na, cha bi yakr baah kpa ni na tii unii u mɔk bi tibɔnyaan ngbaan na.

Ikaal 12:19

Naah ga li bi kitiŋ ngbaan ni, ki cha n‑yoonn mu na, ni pɔɔn nibaa ki taa suln Liifai yaab bɔr.

2 Tesalonika 3:10

Taah nan bi ni chee buyoonn na, ti nan tuk nimi ke unii umɔk kaa ban u tun lituln na kan, u taa ji.

1 Timoti 5:17

Tɔ, ni ŋan ke Yesu aanib pa baaninkpiib bi joo bi mbamɔm na lipal li wiir na. Yesu aanib aaninkpiib bi tun lituln linimaln, ki mooni tibɔnyaan tee, ki mɔk binib taatataa na, ni ŋan ke bima le aapar li wiir jer biken yaan.