Mpiin 47:15 - Uwumbɔr aagbaŋ

¹⁵ N‑yoonn mu Ijipt ni Kanaann yaab nan di baamombil kookoo daa tijikaar na, le Ijipt yaab buen Josef chee ki ti bui u ke, “Tii timi tijikaar ti ji. Taa cha ti kpo nkon. Timi aamombil doo a, pɔɔn aabaa ki ter timi.”

Mpiin 47:15 Iomraidhean Croise

Mpiin 41:36

Ŋibin ŋilole ŋi choo aan nkon ga nan lir na, tijikaar ngbaan le ga nan gaa saatiŋ kimina aanib lii. Nima kan, nkon aan ku bi.”

Mpiin 47:16

Le Josef bui bi ke, “Li joo ni nimi aawakor man. Nimi aamombil yaa doo kan, m ga di tijikaar kpeln nimi tiwakor la.”

Mpiin 47:24

Buyoonn ni nan chee tijikaar ngbaan na kan, see ni mɔmɔk yakr nimi aajikaar nfum muŋmu pu, ki nyan nibaabaa tii ubɔr. Le tijikaar ti gur na, ni ni nimi aamaal li ji, ki di ngem mu ŋa libuul.”

Ilahn 37:3

Di naadii tii Uwumbɔr, ki li ŋani ni ŋan na; li bi kitiŋ kee pu ki li kpa limɔfal.

Aisaya 33:16

Nima kan ni ga ŋmar; ni ga fuur ke naah bi lijool li pɔɔ ki fɔk na paab le na. Ni ga li kpa tijikaar ni ji, ki kpa nnyun mu ni nyu.

Matiu 6:11

Tiin timi din aawiin aajikaar.

Bibɔjirb 8:5

Baah ti fuu Sukof aatiŋ ni na, le Gideonn bui kitiŋ ngbaan ni aajab ke, “Ŋaanii ki tii maajab tijikaar man. Bi bak sakpen a, m bi san dii Midiann aabɔrkpaam Seba ni Salmuna la.”

Bibɔjirb 8:8

Gideonn nan di jer ti fuu Penuel aatiŋ ni, ki ki mee nima chee aanib mu mmeen baan ngbaan, le Penuel aajab mu ki gar u ngarm baan mu Sukof aajab tii u na.

1 Samuel 21:3

Tɔ, dandana wee na, aa kpa ba? Tiin mi ŋiboroboro kpin ŋiŋmu, bee saah ti ki kpa tiwan nimɔk na.”

1 Samuel 25:8

Baa saapihkpaab, le bi ga bui si mbamɔn. Ti dan njim daal la, le David bui ke aa gaa timi mbamɔm. Ti gaŋ si ke aa tii timi saanaagbiib, ni aajɔnyaan David, saah ga ŋman pu na.”