Mpiin 47:1 - Uwumbɔr aagbaŋ

¹ Josef nan nyan ukpetiib ponn ni biŋmu, le bi buen ubɔrkpaan Faro chee. Le u ti bui ubɔr ke, “Nte ni nkpetiib fuu ni a. Bi nyan ni Kanaann, ki joo ni baawakor ni baawangol li bi kpa na mɔmɔk. Dandana wee, bi bi Gosenn aapepel ni.”

Mpiin 47:1 Iomraidhean Croise

Mpiin 45:10

Aa dan ki nan li bi Gosenn aapepel wɔb, ki li mal mi. M ga ŋmaa lik aa ni saabim, ni aayaabitiib, ni saapiih, ni iŋoob, ni inaa, ni saah kpa tiwan nimɔk na.

Mpiin 45:16

Ubɔrkpaan Faro ni waaninkpiib nan ŋun ke Josef aamaal fuu ni u chee, le ni mɔɔr bi pam.

Mpiin 46:28

Jakob nan tun ujapɔɔn Juda u ti bui Josef ke u keln ni u Gosenn aatiŋ ni. N‑yoonn mu bi fuu na,

Mpiin 46:31

Le Josef bui ukpetiib ni ute aamaal ke, “Naah fuu ni m kan nimi na, see m buen ti bui ubɔrkpaan ke nkpetiib ni nte aamaal, bi nan bi Kanaann aatiŋ ni na fuu ni a.

Mpiin 46:34

ni tuk u ke ni ye binib bi lik tiwakor na la, ke niyaajatiib aatuln le ni tun. Nima kan, u ga di Gosenn aapepel tii nimi.” Tiwan ni cha Josef len kina na le ye ke Ijipt yaab aan kpaan binib bi lik tiwakor na chee.

Nnyam 8:22

M mu aan cha tisibir ngbaan nya Gosenn aapepel wɔb, nin chee maanib bi na. M ga ŋa kina aan aa ni saanib bee ke min Uwumbɔr bi tun lituln kitiŋ kee ni.

Nnyam 9:26

Tɔ, Gosenn aapepel wɔb, nin chee Israel yaab nan bi na, ŋitaatakpal aa nan lir nima chee.

Hiibru Yaab 2:11

U ŋani binib chain la. U ni binib bi u ŋani bi chain na, bi mɔmɔk kpaan te ubaa la. Nima le inimɔɔn aa joo u ke u yin bi unaabitiib.