Mpiin 46:34 - Uwumbɔr aagbaŋ

³⁴ ni tuk u ke ni ye binib bi lik tiwakor na la, ke niyaajatiib aatuln le ni tun. Nima kan, u ga di Gosenn aapepel tii nimi.” Tiwan ni cha Josef len kina na le ye ke Ijipt yaab aan kpaan binib bi lik tiwakor na chee.

Mpiin 46:34 Iomraidhean Croise

Mpiin 13:7

Nima chee, le Abram aanib ni Lot aanib bi nan kpaa baawakor ngbaan na piin ki jaa. N‑yoonn ngbaan, Kanaann yaab ni Peris yaab nan beenin bi kitiŋ ngbaan ni.

Mpiin 13:8

Abram nan bui Lot ke, “Ti ye mmaal mbaa aanib la, naa ŋan ke timi aanib ngbaan li jaa.

Mpiin 26:20

Gerar aatiŋ aapihkpaab nan tak Aisak aapihkpaab, nnyunbun ngbaan pu, le ki bui ke, “Timi le yeh nnyunbun ngbaan.” Nima le cha Aisak nan yin nnyunbun ngbaan ke, “Kijaak.”

Mpiin 30:35

Tɔ, liyaadaal ngbaan le Labann nan nyan iŋoja i ye ichachal na, ni iŋoninkpel i mu ye ichachal, bee i kpa mpem i pu na ibaa. U nan ki nyan ipihbɔn mu mɔmɔk le ki di i mɔmɔk ŋa ujapɔtiib aaŋaal ni,

Mpiin 34:5

Le Jakob ŋun ke Sekem jinn ubisal inimɔɔn, le ujapɔtiib aah nan buen timoor ni, kaa bi linampal na, le waa len tibaa.

Mpiin 37:12

Daalbaadaal le Josef aakpetiib di bite aawakor buen Sekem aatiŋ ni, timoor ponn ni.

Mpiin 37:2

Jakob aamaal aabɔr sɔ: Ujapɔɔn Josef nan ye ŋibin kipiik ni ŋilole aanachipɔnbo la, le u ni ukpetiib kpaa bite aawakor, u ni ute aapuutiib Bilha ni Silpa aabim le nan kpaa tiwakor ngbaan. U nan joo ni ukpetiib aabɔr ti kaa ŋan na le ki nan tuk ute.

Mpiin 43:32

Le bi nan tii Josef waajikaar teebul ubaa pu, le ki tii ukpetiib teebul uken pu. Le Ijipt yaab bi nan ji tijikaar Josef do na, nan ji tijikaar teebul uken pu; ba pu? Ijipt yaab aa kpaani Hiibru yaab chee ki ji tijikaar.

Mpiin 45:10

Aa dan ki nan li bi Gosenn aapepel wɔb, ki li mal mi. M ga ŋmaa lik aa ni saabim, ni aayaabitiib, ni saapiih, ni iŋoob, ni inaa, ni saah kpa tiwan nimɔk na.

Mpiin 45:18

Cha bi ti li joo ni bite, ni baamaal mɔmɔk, ki dan Ijipt aatiŋ ni do. M ga tii bi kitinyaan Ijipt ponn ni do, le bi ga kan baah ban pu na mɔmɔk.

Mpiin 46:32

M ga bui u ke ni ye bipihdam la, le ki joo ni nimi aawakor, ni nimi aawangol mɔmɔk.

Mpiin 47:11

Le Josef ŋa ubɔr ngbaan aah nan bui u ke u ŋa pu na, ki di ute ni ukpetiib kaan kitinyaan ki bi Rameses aatiŋ chee na.

Mpiin 47:3

Le ubɔr ngbaan baa bi ke, “Ni tun ba aatuln?” Le bi giin bui u ke, “Uninkpel, ti lik tiwakor ke tiyaajatiib aah nan tun pu na la.

Mpiin 47:4

Ti dan ke ti nan li bi kitiŋ kee ni, ba pu? nkon ngbaan pɔɔ Kanaann aatiŋ ni sakpen a, le timoor aa ki bi tiwakor ŋmɔ. Ubɔr, tii timi nsan ti li bi Gosenn aapepel, saatiŋ kee ni.”

Mpiin 47:6

kitiŋ ngbaan mu ye biyaan la. Cha bi ti kal Gosenn aapepel ni, nin chee ŋan sakpen na. Binib bi nyi lituln ngbaan na bibaa yaa bi bi ponn ni kan, nyan bi aan bi li lik maawakor tii mi.”

Nnyam 8:22

M mu aan cha tisibir ngbaan nya Gosenn aapepel wɔb, nin chee maanib bi na. M ga ŋa kina aan aa ni saanib bee ke min Uwumbɔr bi tun lituln kitiŋ kee ni.

Nnyam 8:26

Le Moses giin bui u ke, “Naan li ŋan ke ti ŋa kina kitiŋ kee ni; ba pu? Ijipt yaab aan li gee taah ga di tiwakor ti toor kitork ki doon Tidindaan Uwumbɔr na. Nibaakan ti yaa di tiwakor ti kɔ Ijipt yaab chee na toor kitork kan, naan li mɔ bi chee, le bi ga mae ŋitakpal ku timi,