Mpiin 46:32 - Uwumbɔr aagbaŋ

³² M ga bui u ke ni ye bipihdam la, le ki joo ni nimi aawakor, ni nimi aawangol mɔmɔk.

Mpiin 46:32 Iomraidhean Croise

Mpiin 37:2

Jakob aamaal aabɔr sɔ: Ujapɔɔn Josef nan ye ŋibin kipiik ni ŋilole aanachipɔnbo la, le u ni ukpetiib kpaa bite aawakor, u ni ute aapuutiib Bilha ni Silpa aabim le nan kpaa tiwakor ngbaan. U nan joo ni ukpetiib aabɔr ti kaa ŋan na le ki nan tuk ute.

Mpiin 4:2

Ki joo cha, le Adam aapuu ki dek, le ki ki ma ubijabo, bi yi u ke Abel. Kainn nan ye ukpaal, le Abel mu nan ye upihdaan.

Mpiin 45:10

Aa dan ki nan li bi Gosenn aapepel wɔb, ki li mal mi. M ga ŋmaa lik aa ni saabim, ni aayaabitiib, ni saapiih, ni iŋoob, ni inaa, ni saah kpa tiwan nimɔk na.

Mpiin 46:31

Le Josef bui ukpetiib ni ute aamaal ke, “Naah fuu ni m kan nimi na, see m buen ti bui ubɔrkpaan ke nkpetiib ni nte aamaal, bi nan bi Kanaann aatiŋ ni na fuu ni a.

Mpiin 46:33

Ni li nyi ubɔr ngbaan yaa yin nimi n‑yoonn mu ki nan baa nimi naah tun lituln li na kan,

Mpiin 46:34

ni tuk u ke ni ye binib bi lik tiwakor na la, ke niyaajatiib aatuln le ni tun. Nima kan, u ga di Gosenn aapepel tii nimi.” Tiwan ni cha Josef len kina na le ye ke Ijipt yaab aan kpaan binib bi lik tiwakor na chee.

Mpiin 47:3

Le ubɔr ngbaan baa bi ke, “Ni tun ba aatuln?” Le bi giin bui u ke, “Uninkpel, ti lik tiwakor ke tiyaajatiib aah nan tun pu na la.

Mpiin 9:20

Nowa nan ye ukpaal la, uma le nan pue kon isui i lu ndaan aasubil na aasaak.

1 Bibɔrb 9:27

Ubɔr Hiram nan tun waajab bi nyi iŋɔi aabɔr mbamɔm na ke bi ti li tun Solomonn aajab chee lituln.

Nnyam 3:1

Daalbaadaal le Moses nan bi kpaa uchool Jetro, u ye Midiann aatiŋ aatotoor na aawakor timoor ni, le u nan di ti jer nteersakpiin mubaa ni, ki buen Uwumbɔr aajool Sainai chee.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Sekaria 13:5

U ga labr bui ke, ‘Maa ye Uwumbɔr aabɔnabr. M ye ukpaal la, maah fii ubo na, m boo ko la.’

1 Samuel 16:11

le ki baa u ke, “Aa ki kpa japɔtiib bibaa aa?” Le Jese nan kii u ke, “Uwaatiir ubaa gur, u mu le kpaa ipiih.” Le Samuel bui u ke, “Bui u ke u dan do. Taan toor kitork kee, see u fuu ni waahr.”

1 Samuel 17:15

David ga nan nyan Sɔɔl chee ki gir buen Betlehem n‑yoonn, n‑yoonn, ki ti kpaa ute aapiih.