Mpiin 46:28 - Uwumbɔr aagbaŋ

²⁸ Jakob nan tun ujapɔɔn Juda u ti bui Josef ke u keln ni u Gosenn aatiŋ ni. N‑yoonn mu bi fuu na,

Mpiin 46:28 Iomraidhean Croise

Mpiin 31:21

U nan yoor waawan mɔmɔk le ki san mala buen. U nan ti puur Yufrates aamɔɔl, le ki piin ki cha ŋijoo aatiŋ ki bi yin ki ke Gilead na ni.

Mpiin 43:8

Le Juda bui ute ke, “Cha u dii mi, aan ti nya mala ki buen, ki ti joo ni tijikaar ki taa kpo nkon.

Mpiin 45:10

Aa dan ki nan li bi Gosenn aapepel wɔb, ki li mal mi. M ga ŋmaa lik aa ni saabim, ni aayaabitiib, ni saapiih, ni iŋoob, ni inaa, ni saah kpa tiwan nimɔk na.

Mpiin 46:34

ni tuk u ke ni ye binib bi lik tiwakor na la, ke niyaajatiib aatuln le ni tun. Nima kan, u ga di Gosenn aapepel tii nimi.” Tiwan ni cha Josef len kina na le ye ke Ijipt yaab aan kpaan binib bi lik tiwakor na chee.

Mpiin 47:1

Josef nan nyan ukpetiib ponn ni biŋmu, le bi buen ubɔrkpaan Faro chee. Le u ti bui ubɔr ke, “Nte ni nkpetiib fuu ni a. Bi nyan ni Kanaann, ki joo ni baawakor ni baawangol li bi kpa na mɔmɔk. Dandana wee, bi bi Gosenn aapepel ni.”

Mpiin 49:8

Sin Juda, aate aabim ga nyuŋ si. Aa ga li joo aaŋaal le chur saadim aaneen ni. Aate aabim ga gbaan aanimbiin ni.