Mpiin 46:10 - Uwumbɔr aagbaŋ

¹⁰ Ujapɔɔn Simeonn aajapɔtiib aayimbil sɔ: Jemuel, ni Jaminn, ni Ohad, ni Jakinn, ni Sohar, ni Saul u nan ye Kanaann aapiibo na aabo.

Mpiin 46:10 Iomraidhean Croise

Mpiin 28:1

Aisak nan yin Jakob, le ki doon u, le ki bui u, “Taa yoor Kanaann aatiŋ kee ni aapiibo.

Mpiin 29:33

U nan ki dek lipuul ki ki ma ubijabo, ki bui ke, “Uwumbɔr ŋun ke nchal aa gee mi, le u ki tii mi ubijabo wee mu.” Nima pu na, u nan yin u ke Simeonn.

Mpiin 34:25

Iwiin itaa aah fuu aan bichakpan aabuun moo ŋoor na, le Jakob aajapɔtiib bilee, Simeonn ni Liifai, bi ye Daina aaninjatiib na, nan yoor baajawan, le ki koo kitiŋ ngbaan ni, kaa faa ikuun, le ki ti ku bijab ngbaan mɔmɔk,

Mpiin 34:30

Le Jakob bui Simeonn ni Liifai ke, “Ni ban tibɔr tii mi; dandana wee, Kanaann yaab, ni Peris yaab, ni binib bimɔk bi kitiŋ kee ni na aan ki li gee timi aabɔr. Maajab aa wiir, nibaakan bi ga kpokl tɔb, ki dan nan lir ti pu ki ku ti mɔmɔk.”

Mpiin 46:11

Ujapɔɔn Liifai aajapɔtiib aayimbil sɔ: Gesonn, ni Kohaf, ni Merari.

Mpiin 46:9

ni Rubenn aajapɔtiib. Bi nan yin bi ke Hanok, ni Palu, ni Hesronn, ni Kami.

1 Bibɔrb Aabɔr 2:1

Jakob nan ma mbijabim kipiik ni bilee la. Baayimbil sɔ: Rubenn, ni Simeonn, ni Liifai, ni Juda, ni Isakar, ni Sebulunn,

Nnyam 6:15

Simeonn nan kpa mbijabim biloob la, baayimbil sɔ: Jemuel, ni Jaminn, ni Ohad, ni Jakinn, ni Sohar, ni Saul, u nan ye Kanaann aapiibo na aabo na. Simeonn aamaal le na.