Mpiin 46:1 - Uwumbɔr aagbaŋ

¹ Jakob nan yoor waamaal, ni waawangol mɔmɔk, le ki buen Beerseba aatiŋ ni, le ki ti toor kitork tii Uwumbɔr u ute Aisak mu nan dii na.

Mpiin 46:1 Iomraidhean Croise

Mpiin 12:8

Nimina aapuwɔb, le u ki fii ki buen ŋŋangii wɔb, ki ti fuu ŋijoo aatiŋ ki bi Betel aawipuul wɔb na, ki kal Betel ni Ai aakaasisik ni. Betel nan bi liwilir wɔb, Ai mu nan bi liwipuul wɔb. Nima chee mu u nan ki maa kitork aabimbiln, le ki toor kitork ki doon Uwumbɔr.

Mpiin 21:14

Ni woln kichakpiik ni le Abraham ban tijikaar, le ki ban nnyun ŋa ntuun ni, ki di baln Hagar aabɔgbiln pu, le ki di waabo ngbaan tii u, le ki bui u ke u li cha. Hagar nan chuun le ki yenni Beerseba aateersakpiin ni.

Mpiin 21:31

Nima pu na, bi nan yin nima chee ke Beerseba, ba pu? nima chee le Abraham ni Abimelek nan puu tii tɔb.

Mpiin 21:33

Beerseba aanyunbun ngbaan chee le Abraham nan ŋum busub bu aafar aa gbaar n‑yoonn mɔmɔk na, le ki doon Tidindaan Uwumbɔr u bi kaa kpa ndoon na.

Mpiin 22:13

Abraham nan yaar ki lik, le ki kan upihja si timoor ni, uyiin lɔk busub waatiir bubaa ponn ni. Le u buen ti chuu upihja ngbaan ki nan di toor kitork tii Uwumbɔr, kaa ki di ujapɔɔn toor.

Mpiin 28:10

Tɔ, Jakob nan nyan Beerseba le ki nan cha Harann wɔb.

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Mpiin 31:42

Ni yaa kaa ye Uwumbɔr u nte Aisak ni n‑yaaja Abraham nan dii na nan bi m chee kan, kina m ba nyan aado nkuun la. Uwumbɔr aah kan maafalaa ngbaan, ni maah tun tii si pu na, le kinyeek na u fe bui si mbamɔn.”

Mpiin 31:53

Aayaaja Abraham Aawumbɔr ni n‑yaaja Nahor Aawumbɔr le ga li ye timi aabɔjir.” Le Jakob aate Aisak Aawumbɔr aayimbil pu, u mu nan puu ke u mu ga li joo tipuur ngbaan.

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

Mpiin 35:3

Ti ga nya do ki buen Betel aatiŋ ni, nin chee m ga ti maa libimbiln ki toor kitork tii Uwumbɔr u ter mi maamukl mɔmɔk ponn ni, ki bi m chee ni kookoo na.”

Mpiin 35:7

Le u maa kitork aabimbiln nima chee, le ki yin kitiŋ ngbaan ke Betel Aawumbɔr; ba pu? Uwumbɔr nan di ubaa mɔk Jakob nima chee, n‑yoonn mu u nan san ukpel chee na.

Mpiin 4:4

Le Abel mu nan lik waapiih ponn ni waapihninkpel aah pue ma njan aapihbo u na, ki di toor kitork, ki di tinann ti kpa nkpan na ki tii Uwumbɔr. Le Uwumbɔr pak Abel ni waapiin,

Mpiin 45:28

Le u bui ke, “Maabo Josef beenin bi. Ni ŋeer. See m buen ti kan u, le ki nin kpo.”

Mpiin 8:20

Nowa nan maa libimbiln tii Uwumbɔr le ki di tiwakor, ni inyoon i bi chain na ibaabaa, ki di i toor kitork, ki see i mmii ni, libimbiln ngbaan paab, tii Uwumbɔr.

Job Aagbaŋ 1:5

Njim ngbaan mubaa yaa ti jer ki woln kitaak na kan, Job ga fii lichakpitaawoln le ki toor kitork, waabim ngbaan ubaa mɔk pu. U dak ke nibaakan bi ponn ni ubaa ga li sii Uwumbɔr, ki tun u taani, kaa nyi, nima pu le u nan ŋani kina n‑yoonn mɔmɔk.

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Amos 7:9

Nin chee Aisak aayaabitiib nan mee min Uwumbɔr na mɔmɔk ga bii doo. Israel yaab aameen aadir mɔmɔk ga kpaln ŋilangben ŋi ber doo na la. M ga kuln ubɔr Jeroboam aanaan.”

Lituln 7:15

Le bi mɔmɔk buen u chee Ijipt aatiŋ ni, ki nan bi nima kina ki ti kpo.

Josua 24:4

le Aisak mu ma Jakob ni Esɔ. Le m nan di ŋigongon aatiŋ ki bi yin ki ke Edom na ki di tii Esɔ, u li joo, le niyaaja Jakob ni waabim nan buen Ijipt aatiŋ ni.

1 Samuel 3:20

Kina pu le Israel aanib mɔmɔk, bi bi Israel aatiŋ ŋipepel mɔmɔk ni na bee ke Samuel nan sil ye Uwumbɔr aabɔnabr la.

1 Samuel 8:2

Bi nan yin ujapɔpol ke Joel, le ki yin uwaatiir mu ke Abija. Bi nan ye bibɔlem Beerseba ponn ni la.