Mpiin 45:15 - Uwumbɔr aagbaŋ

¹⁵ Le u bub chuu bi mɔmɔk ki beenin wii ki moor bitakpin. Nee aapuwɔb, le u ni ukpetiib piin ki bi gbaa tɔb chee tibɔr.

Mpiin 45:15 Iomraidhean Croise

Mpiin 29:11

Le u buen ti moor Rachel aatakpiln ki piin ki kaani mpopiin pu.

Mpiin 29:13

le ute aah ŋun uweeja Jakob aabɔr na, u nan san tooh u nsan pu ki ti bub chuu u ki moor utakpiln, le ki di u buen udo. Jakob nan tuk u naah ŋa pu, u ti dan u chee na.

Mpiin 33:4

Esɔ ma nan san ni, le ki nan bub chuu u, le ki moor utakpiln, le bimɔk bilee nan wii tɔb pu.

Mpiin 42:24

Le Josef siir bi chee ki ti wii pam. N‑yoonn mu u ti ŋmaa chuu ubaa, kaa ki wii na, le u gir ni bi chee, le ki nyan Simeonn, le ki cha bi buu u iŋmin, biken aanimbil ni.

Mpiin 45:14

Le u di uŋaal mɔmɔk ilee bub chuu Benjaminn le ki wii, le Benjaminn mu bub chuu u ki wii.

Mpiin 45:16

Ubɔrkpaan Faro ni waaninkpiib nan ŋun ke Josef aamaal fuu ni u chee, le ni mɔɔr bi pam.

Mpiin 45:2

U nan wii ki kaani sakpen, le Ijipt yaab ŋun waah kaani pu na, le tibɔr ngbaan fuu ubɔr do lichiln ni.

Mpiin 46:29

le Josef koo itaan aatɔroku ponn ni, le ki buen ute chee nima chee. Waah ti fuu u chee na, le Josef san ti bub chuu ute, le ki wii ki kaani, ni ti yunn pam.

2 Samuel 14:33

Le Joab buen Ubɔr David chee ki ti bui u Absalom aah len pu na. Le ubɔr nan tun yin ni Absalom, le u buen u chee ki ti gbaan kitiŋ unimbiin ni. Le ubɔr doon u ki moor utakpiln.

Ilahn 77:4

U cha m dɔ waa le kitaak ti woln; ni muk mi sakpen, le maa ti ki ŋmaa len tibɔr.

Nnyam 4:27

Uwumbɔr nan bui Aaronn mu ke, “Li cha nteersakpiin pu ki pii Moses nima.” Nima pu na, u nan buen u ti to Moses, Uwumbɔr aajool ngbaan chee; waah kan u na, le u moor utakpiln.

Tibɔnyaan ti Luk ŋmee ti na 15:20

Le u fii ki cha ute do. “Waah laa bi ni daa na, le ute waa u, ki san u kinimbaak, le ki san tooh u nsan ni, ki ti di uŋaal kpal u, le ki moor utakpiln.

Lituln 20:37

Le bi mɔmɔk ubaabaa chaa ki ti joo biŋaal kpalni Pɔɔl, ki joo bumɔb moor utakpiln, ki wii.

Ruf Aagbaŋ 1:14

Le bi nan ki piin ki bi wii; le Opa chɔi uchapii ki gir kun, le Ruf ma si bub joo uchapii kaan di u lii.

Ruf Aagbaŋ 1:9

Uwumbɔr ki cha ni mɔmɔk kan bijab ki mɔn ki kan ŋidichal.” Le Naomi moor bitakpin ki chɔi bi. Bi nan piin ki bi wii,

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 20:41

Unachipɔnbo ngbaan aah siir cha na, le David fii sil ki nyan ŋitakpakpuk ngbaan aapuwɔb, ki lir gbaan utaaŋaayil pu ki di unimbil chiŋ kitiŋ nfum mutaa. U ni Jonatann mɔmɔk nan bi wii le ki moor tɔb aatakpin. David aasui aah nan bii pu na nan jer Jonatann yaan.