Mpiin 44:2 - Uwumbɔr aagbaŋ

² Di maayikuuk ki m joo nyu tiwanyukaan na ŋa uwaatiir aabɔtɔ ponn ni, tijikaar chee, ki di waamombil mu kpee.” Le u ŋa waaninkpel aah bui u pu na.

Mpiin 44:2 Iomraidhean Croise

Mpiin 42:20

aan ni ti gir ni, ki li joo ni ninaal uwaatiir ngbaan m chee. Nima kan, m ga bee ke ni len mbamɔn, le ki mu aan ku nimi.” Le bi kii waah len pu na,

Mpiin 42:25

Le Josef tuk waanaagbiib ke bi ban tijikaar gbiin ukpetiib aabɔtɔ tiib, ki giin baamombil ŋa bi ponn ni, ki ki ban tijikaar tii bi, bi ti ji nsan ni. Le bi ŋa kina.

Mpiin 43:32

Le bi nan tii Josef waajikaar teebul ubaa pu, le ki tii ukpetiib teebul uken pu. Le Ijipt yaab bi nan ji tijikaar Josef do na, nan ji tijikaar teebul uken pu; ba pu? Ijipt yaab aa kpaani Hiibru yaab chee ki ji tijikaar.

Mpiin 44:1

Josef nan bui waanaagbiija u lik waachiln na ke, “Ban tijikaar gbiin bijab ngbaan aabɔtɔ tiib, baah ga ŋmaa joo pu na, aan ki giin baamombil ŋa baabɔtɔ tiib ni.

Mpiin 44:12

Le Josef aanaagbiija ngbaan piin upol aabɔtɔ ponn ni, ki lik suusuu ki ti pii uwaatiir aabɔtɔ ni, le ki kan kiyikuuk ngbaan Benjaminn aabɔtɔ ponn ni.

Mpiin 44:3

Le ni woln kichakpiik ni, le Josef chɔi ukpetiib, le bi ni baabon siir buen.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

2 Korenti 8:8

Maah len pu na, naa ye ke m muk nimi ke ni tii. M tuk nimi ke Yesu aanib biken aanimbil man ke bi tii u ipiin, ke m bee ni mu aah gee u pu na.

Ikaal 13:3

ni taa kii tii u. Naa kee dii ŋiwaa ngbaan. Nidindaan Uwumbɔr ban ke u di unii ngbaan tɔŋ nimi ki lik ke ni gee u nisui mɔmɔk ni aan naa gee u.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.