Mpiin 44:18 - Uwumbɔr aagbaŋ

¹⁸ Le Juda foor duun Josef chee le ki bui u ke, “Uninkpel, ŋaanii, ki cha m len aa chee tibɔr mbaa pu. Taa gee m pu liŋuul, aa ŋma ubɔrkpaan Faro la.

Mpiin 44:18 Iomraidhean Croise

Mpiin 18:30

Abraham nan ki bui ke, “Ndindaan, m gaŋ si, taa gee liŋuul m pu, cha m ki len tibɔr aa chee. Nibaakan ni yaa ye bininyaam piitaa kan, aa ga bii ki ii?” Le u bui u ke, “Bi yaa fuu piitaa baanja kan, maan bii kitiŋ ngbaan.”

Mpiin 18:32

Abraham nan ki bui ke, “Ndindaan, m gaŋ si, taa gee liŋuul m pu, ki cha m len kookoo aabɔr tee aa chee. Nibaakan bi yaa pii binib kipiik baanja kan.” Uwumbɔr nan ki bui u ke, “Bi yaa pii kipiik kan, maan bii kitiŋ ngbaan.”

Mpiin 37:6

U nan bui bi ke, “Li pel maadaŋ ngbaan aabɔr man.

Mpiin 37:7

Ti mɔmɔk nan bi kisaak le ki chee ipui, le buyoonn m di maapuijaal di bil na, le li fii sil chob, le nimi aapuijaan mu fii sil, le ki goln n‑yaal ki gbaan linimbiin ni.”

Mpiin 37:8

Le ukpetiib baa u ke, “Aa dak ke sin le ga li ye timi aabɔr ki lik timi ii?” Le waadaŋ ngbaan aabɔr ni waah len pu na nan cha liŋuul moo chuu ukpetiib, le bi nan u sakpen.

Mpiin 41:40

M ga di sin le ŋa maatiŋ kee aaninkpel, le maanib mɔmɔk ga kii saah len pu na mɔmɔk. Sin le ga li paa m pu kitiŋ kee ni.

Mpiin 41:44

Ubɔr ngbaan nan ki bui u ke, “Min Faro le ye ubɔr, ubaa mu aa ki bi see sin le paa m pu tininkpir ni.”

Mpiin 44:17

Le Josef bui bi ke, “Aayii. Maan ŋmaa ŋa kina. See unii u ti kan kiyikuuk ngbaan waatuln ponn ni na le ga ŋa maanaagbiija. Nimi bi gur na ga ŋmaa gir kun nite chee ni laafee.”

2 Samuel 14:12

Le upii ngbaan ki bui u ke, “Mpɔɔndaan, m gaŋ si ke aa cha m len libɔbil libaa kpee.” Le ubɔr kii u ke, “Ni ŋan.”

Esta 1:12

Binaagbiib ngbaan aah nan ti bui Ubɔrpii Fasti ke ubɔrkpaan yin u na, u nan yii kaa dan. Le ni chuu ubɔrkpaan ngbaan liŋuul pam.

Job Aagbaŋ 33:31

Tɔ, Job, li pel maah bi len pu na; li ŋmin aan ki cha m len.

Ilahn 79:5

Uwumbɔr, saaŋuul ga li bi ti pu n‑yoonn mɔmɔk la aa? Saaŋuul ga li beenin gaal ke mmii na la aa?

Nnyam 32:22

Aaronn nan giin bui u ke, “Uninkpel, taa gee liŋuul m pu; aa nyi binib ngbaan aanimbil aah man ke bi tun ni kaa ŋan na pu na.

Ŋiyataŋak 19:12

Ubɔr aaŋuul naahn uchinn aah ŋuuni pu na la, le u yaa san si kinimbaak kan, ni naahn unaalantaal.

Daniel 3:15

Dandana ma, ni yaa ki ŋun kakaan aawiil, ni ŋiwul, ni tibar, ni tiwangbaakaan ni gur na kan, ni gbaan ki doon tiwanaankaan ngbaan. Ni yaa kaa ŋa kina kan, bi ga kpaan di nimi mee ŋa mmii sakpiin na ni. Ni dak ke liwaal libaa ga ŋmaa gaa nimi lii ii?”

Daniel 5:19

Waah nan kpa mpɔɔn sakpen pu na, ŋitimbol mɔmɔk, ni ŋinibol mɔmɔk, ni iliin mɔmɔk aanib nan san u ijawaan ki jii unimbiin ni. U yaa nan ban u ku unii u na kan, u ŋani kina la; le u yaa ban unii li kpa limɔfal kan, u cha u bi la. U nan nyuŋni ki jinni binib inimɔɔn waah gee pu na la.

Jɔnn 5:22

Nte Uwumbɔr aa ji unii ubaa tibɔr, u cha min Ujapɔɔn le ji binib mɔmɔk aabɔr,

Lituln 2:29

Le Piita ki len ke, “Nnaabitiib, m ban m tuk nimi tiyaaja David aabɔr chain la. U nan kpo, le bi sub u. Din pu na, waakaakul bi do.