Mpiin 44:17 - Uwumbɔr aagbaŋ

¹⁷ Le Josef bui bi ke, “Aayii. Maan ŋmaa ŋa kina. See unii u ti kan kiyikuuk ngbaan waatuln ponn ni na le ga ŋa maanaagbiija. Nimi bi gur na ga ŋmaa gir kun nite chee ni laafee.”

Mpiin 44:17 Iomraidhean Croise

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Mpiin 26:29

saan ŋa timi bakaa ubaa, ke taah kaa nan ŋa si bakaa pu na. Ti nan ŋa si tibulchinn, le ki cha aa nyan tido nsuudoon ponn ni. Dandana wee, ni kpiir mɔk timi ke Uwumbɔr bi aa chee ki ŋa si tinyoor sakpen.”

Mpiin 42:18

Nwiin tatar daal, le Josef bui bi ke, “M ye unii u san Uwumbɔr na la, m mu ga siin nimi tibɔr tibaa le ki nyan nimi lii.

Mpiin 44:10

Le u bui bi ke, “M kii kina, tɔ, unii u kiyikuuk ngbaan bi waawan ponn ni na le ga li ye maanaagbiija, le m ga di nimi bi gur na lii.”

Mpiin 44:16

Le Juda bui u ke, “Uninkpel, ti mu ga ki len kinye? Ti ga ŋa kinye ki kpak si aan ki nee nya? Uwumbɔr le nyan timi aabakaa mpaan pu. Ti mɔmɔk ga ŋa saanaagbiib la, ki kpee baah kan kiyikuuk ngbaan u aawan ponn ni na mu.”

Mpiin 44:18

Le Juda foor duun Josef chee le ki bui u ke, “Uninkpel, ŋaanii, ki cha m len aa chee tibɔr mbaa pu. Taa gee m pu liŋuul, aa ŋma ubɔrkpaan Faro la.

2 Samuel 23:3

Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

Ilahn 75:2

Uwumbɔr bui ke, “M siin n‑yoonn mu m ga ji binib tibɔr na, m ga di ibamɔn le ji bi tibɔr ngbaan.”

Ŋiyataŋak 17:15

Tiwan nilee nee mɔmɔk bir Uwumbɔr chee la: nima le ye ke aa bii unii u kaa kpa taani na, bee aa tii ubiindaan mbamɔn.