Mpiin 43:30 - Uwumbɔr aagbaŋ

³⁰ Josef aah yaar kan unaal na, le naah ŋa usui ponn ni pu na cha u koo waadiik ni ti wii.

Mpiin 43:30 Iomraidhean Croise

Mpiin 42:24

Le Josef siir bi chee ki ti wii pam. N‑yoonn mu u ti ŋmaa chuu ubaa, kaa ki wii na, le u gir ni bi chee, le ki nyan Simeonn, le ki cha bi buu u iŋmin, biken aanimbil ni.

Mpiin 45:2

U nan wii ki kaani sakpen, le Ijipt yaab ŋun waah kaani pu na, le tibɔr ngbaan fuu ubɔr do lichiln ni.

Mpiin 46:29

le Josef koo itaan aatɔroku ponn ni, le ki buen ute chee nima chee. Waah ti fuu u chee na, le Josef san ti bub chuu ute, le ki wii ki kaani, ni ti yunn pam.

1 Bibɔrb 3:26

Ubodaan aasui aah nan gee waabo sakpen pu na, le u bui ubɔr ke, “Mpɔɔndaan, m gaŋ si, taa ku ubo ngbaan. Di u tii u.” Le uken na ma bui ke, “Taa di u tii ti ponn ni ubaa; cha bi gaa gii u nfum mulee.”

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Lituln 20:19

Ni nan bee ke m sunn mbaa taab, ki tun Tidindaan aatuln ni tinyunyunn, ki kan falaa Juu yaab chee, baah kpokl n‑yoonn mɔmɔk ke bi ŋa mi bakaa pu na.

Lituln 20:31

Nima pu na, ni li nyi man, ki li teer ke ŋibin ŋitaa le na, m nan bi ni chee ki sur nimi ni tinyunyunn, nwiin pu ni kinyeek.

Lituln 20:37

Le bi mɔmɔk ubaabaa chaa ki ti joo biŋaal kpalni Pɔɔl, ki joo bumɔb moor utakpiln, ki wii.

Filipi 1:8

Uwumbɔr nyi ke nnimbil man ke m ki kan nimi; ba pu? m gee nimi, Kristo aah tii mi ngeehm pu na.

Filipi 2:1

Tɔ, Kristo pɔɔni nitaakpab, le waah gee nimi pu na sɔŋni nisui, ni ni Uwumbɔr Aafuur Nyaan mu kpaan kijɔtiik, le ni kpa tibulchinn ki san tɔb kinimbaak,

Kolosiya 3:12

Uwumbɔr nan nyan nimi, ki ŋa nimi waaninyaam, ki gee nimi. Nima pu na, ni li kpa linimbaasaln, ni tibulchinn, ki sunn nibaa taab, ki li bi suuna, ki li kpa suklaa,

2 Timoti 1:4

M teer maah buen cha si aan aa wii pu na. Le nnimbil man ke m ki kan si, aan ki li kpa mpopiin.

1 Jɔnn 3:17

Unii yaa kpa liwankpal ki yaa kan una aabo bi igiin ni ki yaa kaa san u kinimbaak kan, Uwumbɔr aageehm aa bi usui ni.