Mpiin 43:28 - Uwumbɔr aagbaŋ

²⁸ Le bi bui u ke, “Saanaagbiija tite beenin bi ki mu kpa laafee.” Le bi gbaan unimbiin ni ki doon u.

Mpiin 43:28 Iomraidhean Croise

Mpiin 37:7

Ti mɔmɔk nan bi kisaak le ki chee ipui, le buyoonn m di maapuijaal di bil na, le li fii sil chob, le nimi aapuijaan mu fii sil, le ki goln n‑yaal ki gbaan linimbiin ni.”

Mpiin 43:26

N‑yoonn mu Josef nan fuu ni udo na, le bi di ipiin ngbaan buen u chee, ki ti gbaan unimbiin ni, ki di tii u.

2 Samuel 1:2

Wintaa daal le unachipɔɔn ubaa nyan ni Sɔɔl aajab ni ki fuu ni. U nan dar kar waawanpeenkaan, ki di titan puŋ uyil pu, ke u mɔk usui aah bii pu na. U nan buen David chee, le ki ti gbaan ke u mɔk waapak.

2 Samuel 14:4

Upii ngbaan nan buen ubɔr chee, le ki ti gbaan kitiŋ, le ki bui u ke, “Mpɔɔndaan, ter mi.”

1 Bibɔrb 1:16

Batseba nan gbaan ubɔr aanimbiin ni, le u baa u ke, “Aa ban ba?”

2 Bibɔrb Aabɔr 24:17

Tɔ, Jehoyada aah kpo na, le Juda aasalolm ŋmann Joas ke u dii baah ban pu na.

Nnyam 18:7

Nima pu na, Moses nan tooh u nsan pu, le ki ti gbaan unimbiin ni, ki moor utakpiln. Bi nan doon tɔb, le ki koo Moses aabool ni.