Mpiin 43:24 - Uwumbɔr aagbaŋ

²⁴ le ki di bi koon lidichal ngbaan ni, le ki ban nnyun tii bi aan bi finn bitaa, le ki ban tijikaar tii baabon mɔmɔk.

Mpiin 43:24 Iomraidhean Croise

Mpiin 18:4

Cha m ban ni nnyun nan tii nimi, aan ni finn nitaa man; kal busub bue taab, ki fuur man.

Mpiin 19:2

le ki bui bi ke, “Ndindatiib, taa jer ndo man. M bi do ke m chann nimi tichann la. M gaŋ nimi, dan ndo man, aan ki nan finn nitaa, ki doon kinyeek kee ndo man. Ni yaa fe woln kichakpiik ni kan, ni ki nab nimi aasachuln.” Le bi nan bui Lot ke, “Aayii, ti ga ti doon lipaal, kinyaŋ ponn ni la.”

Mpiin 24:32

Nima pu na, uja ngbaan nan dii u buen udo, le Labann nan nyan ŋitun mɔmɔk waalaakumii tiib pu, le ki tii bi timoor ke bi ŋmɔ, le ki ban nnyun tii uja ngbaan ni waanib bi finn bitaa.

2 Samuel 11:8

le ki bui Uria ke, “Kun ti fuur siib.” Le Uria siir, le David di ipiin tun udo.

Tibɔnyaan ti Luk ŋmee ti na 7:44

le ki fenn toŋ upii ngbaan, ki bui Simonn, “Aa kan upii wee ee? M koo ni saadichal ni, le saa tii mi nnyun ke m finn ntaa. Upii wee ma kan, u di tinyunyunn le finn ntaa, ki di waayikpir per ntaa.

1 Timoti 5:10

binib yaa len ke upii ngbaan tun litunyaan: u yaa nan kpiini mbim mbamɔm, ki yaa nan ŋani bicham tichann, ki yaa sunn ubaa taab ki tun lituln tii Yesu aanib, ki yaa nan ter binib bi bi limukl ni na, aan unimbil yaa man litunyaan mɔmɔk pu kan, aa ŋmee waayimbil bikpopiib aagbaŋ ponn ni.