Mpiin 43:20 - Uwumbɔr aagbaŋ

²⁰ “Timi aaninkpel, ti nan dan do n‑yoonn mubaa ki nan daa tijikaar.

Mpiin 43:20 Iomraidhean Croise

Mpiin 42:10

Bi nan bui u ke, “Uninkpel, aayii, ti ye saanaagbiib la, le ti dan ti nan daa tijikaar ti ji.

Mpiin 42:27

Bi nan ti fuu nibaa chee ki ban bi doon kinyeek, le ubaa chuu buur waabɔtɔ ke u ŋa waabon tijikaar, le ki kan ŋimombil ŋi u ba di daa tijikaar ngbaan na bi bɔtɔ ponn ni.

Mpiin 42:3

Nima pu le Josef aate aabim kipiik na buen Ijipt aatiŋ ni, bi ti daa tijikaar.

Mpiin 42:35

Le bi mɔmɔk kpenn nyan tijikaar baabɔtɔ tiib ponn ni, ki kan ŋimombil ŋi bi di daa ti na, le bi ni bite aah kan ŋimombil ngbaan kina na, ijawaan chuu bi.

Mpiin 43:19

Nima pu na, baah laa si mbisamɔb chee na, le bi bui unaagbiija na ke,

Mpiin 43:21

N‑yoonn mu ti nyan do ki chaa kun na, le ti ti fuu nibaa chee ki buur bɔtɔ tiib le ki kan timɔk aamombil bi timi aabɔtɔ tiib ponn ni, ŋi mɔmɔk nan beenin bi. Ti giin joo ni ŋi, ti nan tii si.

Mpiin 43:3

Le ujapɔɔn Juda bui u ke, “Uja ngbaan nan sak timi sakpen a, ke ti yaa kaa joo ni tinaal uwaatiir kan, ti taa cha unimbil kan timi.

Mpiin 43:7

Le bi bui u ke, “Uja ngbaan le nan muk timi, ki baa timi aamaal aabɔr ke, ‘Nite beenin bi ii? Ni ki kpa ninaal ubaa aa?’ Ni mu ŋan ke ti giin kii u ibamɔn ponn ni. Taa nan nyi ke u ga bui timi ke ti li joo ni tinaal ngbaan.”

1 Bibɔrb 3:17

Bi ponn ni ubaa nan bui ke, “Mpɔɔndaan, m ni upii wee kpaan koo lidichal libaa ni la, le m ma ubijabo linampal, unimbil ni.