Mpiin 43:11 - Uwumbɔr aagbaŋ

¹¹ Le bite bui bi ke, “Ni yaa ye kina kan, li joo ipiin i nyan ni timi aatiŋ kee ponn ni ki ŋan sakpen na, ki ti tii uninkpel ngbaan: ni ban tulalee u nu mɔ na, ni tisiir, ni tikpin, ni ŋisubil ŋi mɔ na.

Mpiin 43:11 Iomraidhean Croise

Mpiin 33:10

Le Jakob bui u ke, “Ayii, aa yaa sil di cha pinn mi kan, gaa maapiin ngbaan. Saah gaa mi ki cha m kan aanimbil wɔb na, ni naahn ke maah kan Uwumbɔr aanimbil wɔb le na.

Mpiin 37:25

Nee aapuwɔb, le bi ka ji tijikaar, le ki kan Ismael yaab bibaa choo ki nyan ni Gilead, ki jer cha Ijipt aatiŋ ni. Bi nan joo laakumii tiib ki di tulalee aabɔŋ aabɔŋ, ni iween aanyɔk pam bi pu.

Mpiin 43:10

Ti yaa kaa ba bii n‑yoonn kan, kina, naah saa pu na ti ba buen ŋitaa ŋilee man.”

Mpiin 43:14

Uwumbɔr Mpɔɔnsakpiindaan cheen nimi, ki cha uja ngbaan ti san nimi kinimbaak, ki giin Benjaminn ni nikpel uken na mu tii ni nimi. Min kan, ni yaa ye ke m ga kɔŋ maabim le kan, see ni ŋa kina.”

Mpiin 43:15

Le te aabitiib ngbaan ban ipiin ni ŋimombil nfum mulee pu, le bi ni Benjaminn dii buen Ijipt aatiŋ ni. Baah ti fuu na, bi nan buen Josef chee le ki ti di bibaa mɔk u.

Mpiin 43:25

Le bi gor ki nyan ipiin i Josef yaa nan fuu ni udo kan, bi ga di tii u na ki joo; ba pu? bi nan ŋun ke bi ni Josef le ga nan kpaan ji tijikaar nwiin pu.

Mpiin 43:26

N‑yoonn mu Josef nan fuu ni udo na, le bi di ipiin ngbaan buen u chee, ki ti gbaan unimbiin ni, ki di tii u.

1 Bibɔrb 10:15

le ki gaal lampoo u biwantiirb nyani baanyoor ponn ni pa na, ni ubaa aatiirk aanyoor, ni Arabia aabɔrb, ni Israel aapepel aayidam aah joo baapar ti nan tii u na.

1 Bibɔrb 10:25

Unii umɔk nan choo na nan joo ni Solomonn ipiin: tikunabr ni salmaa aawan, ni tiwanpeenkaan, ni tijawan, ni tulalee, ni itaan, ni tiwakor ti naahn itaan ki bi ke ibon na. Libiln mɔk kan, bi nan joo ni kina le nan tii u.

1 Bibɔrb 15:19

“Cha ti li ye maantɔtiib ke titetiib aah nan bi pu na. Tikunabr timina ni salmaa wee ye ipiin le m joo tii si. Kina pu na, yii Israel yaab Aabɔr Baasa aamaantɔl ki cha u nyan waajab maapepel ni.”

1 Bibɔrb 4:21

Solomonn le nan joo ŋitimbol aanib bi bi Yufrates Aamɔɔl, ni Filistia, ni Ijipt aatim aakaasisik ni na. Bi nan pa lampoo tii u, le ki ye waatutum, waamɔfal yoonn mɔmɔk.

2 Bibɔrb 16:8

Ahas nan yoor Uwumbɔr Aadichal, ni libɔrdichal aakunabr ni salmaa, ki di tun ti tii Siria aatiŋ aabɔrkpaan ngbaan ipiin.

2 Bibɔrb 20:12

N‑yoonn mumina, le Babiloŋ aatiŋ aabɔrkpaan, Baladann aajapɔɔn u bi yin u ke Merodak Baladann na, ŋun ke ubɔr Hesekia dɔ bun, le u ban ipiin ki ŋmee kigbaŋ ki di tun u chee.

2 Bibɔrb 8:8

le u bui waaninkpel u bi yin u ke Hasael na ke, “Ban ipiin ki ti tii Uwumbɔr aabɔnabr ngbaan ki bui u ke u baa Uwumbɔr ki lik ke m ga pɔɔk aan maan pɔɔk.”

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Ilahn 68:29

ki nyan Saadichal li bi Jerusalem ponn ni, nin chee bibɔrb joo ni si baapiin na.

Ilahn 72:10

Speenn aatiŋ, ni ŋidik pu aabɔrb ga tii u ipiin; Arabia ni Itiopia aatim aabɔrb ga joo ni ipiin.

Ilahn 76:11

Tiin Uwumbɔr naah puu ke ni ga tii u pu na; ŋitimbol ŋi mɔmɔk bi ki duun na, li joo ni ipiin nan tii u man. Uwumbɔr cha unibɔn san u ijawaan;

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Ŋiyataŋak 17:18

Unii u kaa kpa nlan na le ga puu ke u ga gaa uken aapɔln ki pa.

Ŋiyataŋak 18:16

Aa ban ke aa kan uninyuun aa? Tii u ipiin, le naan ki li pɔɔ.

Ŋiyataŋak 19:6

Unii mɔmɔk ban bininyuum aajɔtiik la; unii mɔmɔk jɔnni binib bi tii baaterm na la.

Ŋiyataŋak 21:14

Ubaa yaa gee aa pu liŋuul, aan aa bɔr ki tii u ipiin kan, i ga sɔŋ waaŋuul.

Solomonn Aalahn 4:10

Maabɔngeehn ni maabɔndinn, saageehm tii mi mpopiin la. Saageehm mɔ jer ŋisubil aadaan mɔmɔk; le saatulalee nu mɔ jer tulalee mɔmɔk.

Solomonn Aalahn 4:14

ni safaronn, ni kalamus, ni sinamonn, ni tulalee mɔmɔk aabɔŋ na aasui bi nima chee. Tulalee tiib bi bi yin bi ke mir ni alos na aasufar mu bi nima ki kpa nnunun mu mɔ sakpen na.

Solomonn Aalahn 8:14

Mbɔɔn, dan m chee ke upeeyun na, li san ni ke lipeemanbil aah bi lijool li pu tulalee tiib aasui bi na, aah san pu na.

Jeremia 8:22

Inyɔk aa bi Gilead aatiŋ ni ii? Bi teei binib na aa bi nima chee ee? Tɔ, ba ŋa ubaa aa ŋmaa tii maanib laafee?

Esekiel 27:15

Rodes aanib nan daa ki kooh tiwan aa chee; nnyusakpem aagbaan aatim pam aanib nan di iluub aanyin, ni busubɔm bubaa aawan kpeln si saawan ni aa joo kooh na.

Esekiel 27:17

Juda ni Israel yaab nan di njikaabim, ni tisiir, ni olif aakpan, ni tulalee tiib pan si saawankookaan pu.

Esekiel 27:22

Seba ni Raama aawantiirb nan di nleenyaan, ni salmaa, ni tulalee tiib bi ŋan sakpen na kpeln saawan.

Liifai Yaab 20:24

M puu ke m ga di kitiŋ ki kpa tiwakor aamoŋmɔpaan ni ŋisubil sakpen na tii nimi ki li ye nimi yaan, le m ga sil di ki tii nimi. Min le ye Nidindaan Uwumbɔr, le ki nyan nimi nibaa ŋinibol mɔmɔk ni.

Lituln 21:14

Taa nan ŋmaa chuu u ke u taa buen, le ki len ke, “Cha Tidindaan ŋa waah gee pu na,” le ki ŋmin, kaa ki len tibaa.

Ikaal 33:14

Cha nwiin nyii baajikaar pu aan ti biir, aan kitiŋ ngbaan li kpa tijikaar n‑yoonn mɔmɔk.

1 Samuel 25:27

Maaninkpel, m gaŋ si, gaa maah joo ni si tiwan ni na, ki di tii saajab.

1 Samuel 9:7

Le Sɔɔl baa ke, “Ti yaa buen u chee kan, ti ga ti tii u ba? Tijikaar tibaa aa ki gur timi aatuln ponn ni, le taa ki kpa nibaa mu, aan ti kpa ba?”