Mpiin 42:6 - Uwumbɔr aagbaŋ

⁶ Le Josef aah nan ye Ijipt aatiŋ ngbaan aayidaan ki lik tijikaar aabɔr pu na, uma le nan kooh tijikaar ngbaan tii dulnyaa aanib mɔmɔk. Nima pu na, Josef aakpetiib mu nan dan ki nan gbaan unimbiin ni.

Mpiin 42:6 Iomraidhean Croise

Mpiin 18:2

le ki yaar lik, ki kan bijab bitaa bibaa si nima chee. Waah ti yaar kan bi na, le u san buen bi chee, ki nan ti gbaan binimbiin ni, le ki di unimbil kpaa kitiŋ,

Mpiin 19:1

Uwumbɔr aatuuntiib bilee ngbaan nan ti fuu Sodom aatiŋ ni, kijook wɔb la, le Lot mu nan ka mbisamɔb nin chee bi diir koo kitiŋ ni na. Lot aah kan bi na, u fii tooh bi nsan pu, le ki ti doon bi,

Mpiin 33:3

le Jakob loln bi pu nsan. Waah pii ukpel Esɔ chee na, le u gbaan kitiŋ nfum mulole.

Mpiin 41:43

Ubɔr nan di waataan aatɔroku leler ki di tii Josef ke u koo u ni, le ki cha waajab loln u pu nsan ki di mann Ijipt aatiŋ mɔmɔk, le ki kaani ke, “Gbaan man. Gbaan unimbiin ni man.” Kina le bi nan di Josef ŋa Ijipt aatiŋ mɔmɔk aaninkpekpaan.

Mpiin 41:54

le nkon aabin ŋilole na piin, le ni gbiin Josef aah nan len pu na. Nkon nan lir ntim muken ni, tijikaar mu nan bi Ijipt aatim mɔmɔk ni.

Mpiin 41:57

Binib nan nyan ni ntim mɔmɔk ni, ki dan Ijipt ni, bi nan daa tijikaar Josef chee; ba pu? nkon ngbaan nan pɔɔ, ni kookoo, ki ti nyaŋ.

Mpiin 44:14

N‑yoonn mu Juda ni biken fuu ni Josef do na, u nan bi linampal. Le bi gbaan unimbiin ni.

Mpiin 45:26

le ki ti bui bite ke, “Josef beenin bi. Uma le ye Ijipt aatiŋ aajojoor.” Le tibɔr ngbaan ŋa Jakob mpobiyuk, le waa nyi waah ga len pu na, ki dak ke taa gbii.

Mpiin 45:8

Nima pu na, naa ye nimi pu le cha m dan do, Uwumbɔr le ŋa kina. Uma le tii mi tininkpir ti paa ubɔr Faro pu na. Min le lik waawan mɔmɔk, ni Ijipt aatiŋ kee mɔmɔk.

Mpiin 48:12

Le Josef yaar waabim ngbaan ute aataŋaayil chee, le ki gbaan ute aanimbiin ni.

Ŋiyataŋak 11:26

Binib puuni lir unii u joo njikaabim siini ke mu moo ŋa kidaak na pu, le ki pak unii u nyan waajikaabim siin kinyaŋ ni ke binib daa na.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Lituln 7:10

ki ter u, ki nyan u waafalaa mɔmɔk ponn ni. N‑yoonn ngbaan Faro nan ye Ijipt aatiŋ aabɔr. Le Uwumbɔr tii Josef nlan, ki cha Faro gee waabɔr. Le Faro di u ŋa kitiŋ ngbaan aayidaan, ni waachiln aayidaan.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.

1 Samuel 20:41

Unachipɔnbo ngbaan aah siir cha na, le David fii sil ki nyan ŋitakpakpuk ngbaan aapuwɔb, ki lir gbaan utaaŋaayil pu ki di unimbil chiŋ kitiŋ nfum mutaa. U ni Jonatann mɔmɔk nan bi wii le ki moor tɔb aatakpin. David aasui aah nan bii pu na nan jer Jonatann yaan.