Mpiin 42:28 - Uwumbɔr aagbaŋ

²⁸ Le u bui biken na ke, “Maamombil le bi ki giin di ŋa bɔtɔ ponn ni na, ŋima sɔ.” Le bipobil yuk, le bi baa tɔb ke, “Ba ŋa Uwumbɔr ŋa timi kina?”

Mpiin 42:28 Iomraidhean Croise

Mpiin 27:33

Le Aisak aah ŋun kina na, le uwon faa tɔtɔk, le u baa ke, “Ŋma ba ku ni upeel ki joo ni m chee na? M laa jin tima le doo le aa nin koo ni na. M di maakookoo aanyoor tii u a, nima pu na, udaan le yeh tinyoor ngbaan ki cha n‑yoonn mu kaa kpa ndoon na.”

Mpiin 42:29

N‑yoonn mu bi ti fuu bite Jakob do Kanaann aatiŋ ni na, le bi tuk u baah kan pu na mɔmɔk ke:

Mpiin 42:36

Le bite bui bi ke, “Ni ban ke m taa ki li kpa ubo ubaa la aa? Josef aa ki bi, Simeonn mu aa ki bi, le dandana wee ni ban ni nyan Benjaminn mu m chee. Min le ji falaa.”

Mpiin 43:23

Le unaagbiija ngbaan bui bi ke, “Ni taa cha nisui bii, ki mu taa li san ijawaan man. Nibaakan, nimi, ni nite Aawumbɔr le ga li giin ŋi ŋa nimi aabɔtɔ tiib ni. Ni nan pan tii mi a.” Waah len kina na, le u buen ti joo ni Simeonn bi chee,

1 Bibɔrb 10:5

U nan kan tijikaar ti u ji na, ni waaninkpiib aakookoo yaan chee aah bi pu na, ni waatutum aah tun baatuln pu na, ni baawanpeenkaan ni bi peeni na, ni waatutum bi si gbɔk u njim aayoonn na, ni kitork aawan ni u joo chaa ti toor Uwumbɔr Aadichal ni na. Le ni ŋa u lijinjiir aan waa ti ki nyi waah bi nin chee na.

Ilahn 61:2

Buyoonn maa bi linampal aan nsui bii na, le m yin si. Di mi buen mbɔbɔryaan mu ŋan na chee,

Solomonn Aalahn 5:6

M nan chuu piir jaaleŋ ke mbɔɔn koo ni, le ki muin u puun siir a. M nan neen ke m ŋun uneel pu sakpen; m nan ban u, le kaa kan u. M nan yin u, le kaa ŋun u pu.

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Inandalahn 2:17

Uwumbɔr nan ŋa waah faan ke u ga ŋa pu na. U kuln timi kaa san timi kinimbaak, ke waah nan sak timi n‑yoonn mu jer na pu na. U tii timi aadim linyaŋ, u cha ti lir le ki tii bi mpopiin.

Inandalahn 3:37

Uwumbɔr aageehm baanja le tun lituln.

Liifai Yaab 26:36

“Nimi bi ga li bi tinaagbiir ni, ntiyayam ni na, m ga cha ijawaan chuu nimi sakpen, hali libuln yaa daa kifark aan ki dam kan, ni ga san. Ni ga san ke baah san dii nimi butɔb ponn ni le na. Nimi aadim aan li bi ni chee, le ni lir kitiŋ.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Tibɔnyaan ti Luk ŋmee ti na 21:26

Paacham aawan aan ki li bi mbamɔm. Nima le binib ga lik naah ga li bi pu dulnyaa wee ni na, ki ga san ijawaan ki ti fik.

Ikaal 28:65

Le naan kan nsuudoon nibaa chee, ki mu aan li kpa nibaa aatiŋ. Uwumbɔr ga cha nisui bii, le nitaakpab yɔl, le naan li kpa nterm nibaa chee.