Mpiin 42:21 - Uwumbɔr aagbaŋ

²¹ le ki bui tɔb ke, “Mbamɔn, taah nan ŋa tinaal bakaa u na, ti bi ji waafalaa le din wee na; ti nan kan waafalaa buyoonn u nan gaŋ timi waamɔfal pu na, le ti yii, kaa ter u. Nima pu le dandana wee ti bi ji falaa umina.”

Mpiin 42:21 Iomraidhean Croise

Mpiin 41:9

Nima chee le ubɔr aanaagbiija u tii u ndaan na bui u ke, “M ga kpiir tuk si din ke m ŋa bakaa.

Mpiin 44:16

Le Juda bui u ke, “Uninkpel, ti mu ga ki len kinye? Ti ga ŋa kinye ki kpak si aan ki nee nya? Uwumbɔr le nyan timi aabakaa mpaan pu. Ti mɔmɔk ga ŋa saanaagbiib la, ki kpee baah kan kiyikuuk ngbaan u aawan ponn ni na mu.”

Mpiin 45:3

Le Josef bui ukpetiib ke, “Min Josef le na. Nte beenin bi ii?” N‑yoonn mu ukpetiib ŋun kina na, le ijawaan chuu bi, le baa ki nyi baah ga len pu na.

Mpiin 50:15

Bite aah kpo jer na, le Josef aakpetiib bui tɔb ke, “Nibaakan Josef ga li beenin nan timi, ki giin timi aabakaa u ti nan ŋa u na ki pa timi.”

2 Samuel 12:13

Le David bui ke, “M tun Uwumbɔr titunwanbir.” Le Natann gar u ke, “Uwumbɔr di cha pinn si, saan kpo.

1 Bibɔrb 17:18

Le u bui Elaija ke, “Uwumbɔr aanii, ba ŋa aa ŋa mi kina? Aa dan do ke aa nan teer Uwumbɔr maatunwanbir, le ki cha njapɔɔn kpo oo?”

Ŋiyataŋak 21:13

Aa yaa yii saan ŋun ugiin aah wii pu na kan, buyoonn aa mu nan bi wii ki ban nterm na, ubaa aan ŋun.

Ŋiyataŋak 28:17

Unii u ku uŋeen aatɔ na bi gbii ubaa aabuu la. Taa bui u ke u di cha.

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 34:17

Le min Uwumbɔr bui ke ni yii maamɔboln, ke naan tii nina aabitiib Israel yaab lifuur li bi ban na. Kina pu na, m ga tii nimi lifuur, m ga tii nimi lifuur ke ni kpo butɔb ni, ni iween ni, ni nkon ni. Maah ga ŋa nimi pu na ga cha dulnyaa wee aatimbol mɔmɔk san ijawaan.

Jeremia 4:18

Juda yaab, naah bi mbimbin mu na, ni ŋitun ŋi ni tun na le cha ni joo ni nima nibaa pu. Nimi aatunwanbir le joo ni falaa umina; ti saa chaar nipobil a.

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Nkahm 32:23

Ni mu yaa kaa ŋa naah puu pu na kan, m sur nimi la, ni ga tun titunwanbir Uwumbɔr chee, le u ga sil daa nitafal.

Matiu 7:2

Naah galni binib pu na, Uwumbɔr mu ga galn nimi kina la. Naah tii binib pu na, Uwumbɔr mu ga giin kina le ki tii nimi.

Tibɔnyaan ti Mak ŋmee ti na 9:48

Nima chee, ‘ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn.’

Tibɔnyaan ti Luk ŋmee ti na 16:28

ki ti sur nnaatiib biŋmu bi gur na, bi taa dan do chee na, ki mu nan ji falaa wee.’

Lituln 19:18

Le binib bi gaa Yesu ki kii na pam nan dan Pɔɔl chee, ki nan kpiir ki tuk u binib aanimbil ni, baah nan ŋani inyɔk pu na. Bi ponn ni pam nan kpa inyɔk aagbann. Le bi di inyɔk aagbann ngbaan see mmii ni, binib mɔmɔk aanimbil ni. Le bi kahn inyɔk aagbann ngbaan aadaak, le ni ye iwiin ŋichur piiŋmu aapal.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

1 Jɔnn 1:9

Uwumbɔr ŋani waah len pu na ki ye mbamɔndaan la. Ti yaa kpiir timi aatunwanbir tuk u kan, u ga di cha pinn timi aatunwanbir, ki finn tipobil, ki nyan tiwan ni kaa ŋan na mɔmɔk.

Bibɔjirb 1:7

Le Adoni Besek bui ke, “Bibɔrb imonko itaa ni kipiik bi aaŋanbijam ni bitaaŋanbijam geei na, nan peei ŋijikaabol maasambil taab. Maah nan ŋa bi pu na, le Uwumbɔr di ŋa mi din na.” Bi nan di u buen Jerusalem aatiŋ ni, le u ti kpo nima.