Mpiin 42:13 - Uwumbɔr aagbaŋ

¹³ Le bi bui u ke, “Uninkpel, ti nan ye naabitiib kipiik ni bilee la, ujabaan aabim, le ki nyan ni Kanaann aatiŋ ni. Ti ponn ni ubaa kpo a, le uwaatiir gur ki bi tite chee linampal.”

Mpiin 42:13 Iomraidhean Croise

Mpiin 37:30

le ki buen biken chee ki ti bui ke, “Tinaal ngbaan aa ki bi nnyunbun ni. M ga ŋa kinye?”

Mpiin 42:11

Ti ye naabitiib, ni bininyaam la, taa ye bipepekb.”

Mpiin 42:12

Le Josef ki giin bui bi ke, “Aayii. Ni dan ke ni nan lik timi aatiŋ aah kaa kpa mpɔɔn nin chee na la.”

Mpiin 42:14

Le Josef beenin dii bi, ki bui bi ke, “Ni sil ye bipepekb la.

Mpiin 42:32

ti nan ye te aabitiib kipiik ni bilee la, ujabaan aabim, le ti ponn ni ubaa kpo, le uwaatiir gur ki bi Kanaann aatiŋ ni, tite chee.

Mpiin 42:36

Le bite bui bi ke, “Ni ban ke m taa ki li kpa ubo ubaa la aa? Josef aa ki bi, Simeonn mu aa ki bi, le dandana wee ni ban ni nyan Benjaminn mu m chee. Min le ji falaa.”

Mpiin 42:38

Le Jakob nan bui u ke, “Maabo ngbaan aan dii si; ukpel kpo a, uma baanja le gur. Nibaakan tiwan nibaa ga ti ŋa u nsan ni. M por a, maabo umina mu yaa ki kpo kan, nsui ga bii sakpen ki cha m kpo.”

Mpiin 43:29

N‑yoonn mu Josef yaar kan unaal Benjaminn na, le u bui ke, “Naah nan tuk mi ninaal uwaatiir u aabɔr na sɔ ɔɔ? Maabo, Uwumbɔr ŋa aa pu tinyoor.”

Mpiin 43:7

Le bi bui u ke, “Uja ngbaan le nan muk timi, ki baa timi aamaal aabɔr ke, ‘Nite beenin bi ii? Ni ki kpa ninaal ubaa aa?’ Ni mu ŋan ke ti giin kii u ibamɔn ponn ni. Taa nan nyi ke u ga bui timi ke ti li joo ni tinaal ngbaan.”

Mpiin 44:20

Le ti nan bui si ke, ‘Tite bi ki mu por sakpen; tinaal uwaatiir ubaa mu bi. Buyoonn tite por na le u ma u. Le uwaatiir ngbaan aakpel kpo a, uwaatiir ngbaan baanja le gur una aabibaal, ute mu gee u sakpen a; ba pu? uma le ye libigbiln.’

Mpiin 44:28

Ubaa puun nyan m chee a. Nibaakan, timoor ni aawan le nan chuu u, le maa ki kan u ki nan saa din wee.

Mpiin 45:26

le ki ti bui bite ke, “Josef beenin bi. Uma le ye Ijipt aatiŋ aajojoor.” Le tibɔr ngbaan ŋa Jakob mpobiyuk, le waa nyi waah ga len pu na, ki dak ke taa gbii.

Jeremia 31:15

Uwumbɔr bui ke, “Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu; bi mɔmɔk kpo a, le ubaa aa ŋmaa sɔŋ usui.

Inandalahn 5:7

Tiyaajatiib le nan tun titunwanbir, le kaa ki bi din wee, le timi le bi ji baatunwanbir ngbaan aafalaa.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Matiu 2:18

“Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu, bi mɔmɔk kpo a, le ubaa aan ŋmaa sɔŋ usui.”