Mpiin 41:8 - Uwumbɔr aagbaŋ

⁸ Le ni woln kichakpiik ni, le tidaŋ ngbaan aabɔr bii usui, naa mɔ u, nima pu le u nan cha bi yin ni bilandam, ni binib bi ŋani lijinjiir aawan na mɔmɔk, le ki bui bi waadaŋ ngbaan aabɔr. Bi ponn ni ubaa mu aa ŋman nabr ti tuk u.

Mpiin 41:8 Iomraidhean Croise

Mpiin 40:6

Le ni woln kichakpiik ni, le Josef dan bi chee, ki kan ke baa kpa mpopiin.

Mpiin 40:8

Le bimɔk bilee giin bui u ke, “Kinyeek na le timɔk bilee daŋ tidaŋ, le taa nyi unii u ga ŋmaa nabr taatataa tii timi na.” Le Josef bui bi ke, “Ni ye Uwumbɔr le tii unii nlan le u ŋmaa nabr tidaŋ aatataa. Nima pu na, bui mi tidaŋ ngbaan man.”

Mpiin 41:15

Le ubɔr bui u ke, “M daŋ tidaŋ la, le ubaa aa bi ki ga ŋmaa tuk mi tidaŋ ngbaan aatataa. Bi tuk mi ke aa ga ŋmaa nabr ti tii mi.”

Mpiin 41:24

le ŋi kaa gbei na di ŋi gbei na di nab. M tuk binib bi ŋmaa ŋani lijinjiir aawan na mɔmɔk tidaŋ tilee ngbaan, le bi ponn ni ubaa aa ŋmaa nabr taatataa ki tuk mi.”

Mpiin 41:7

le ŋi kaa gbei na di ŋi gbei na nab. Le ubɔr ngbaan fii ngeen pu, ki bee ke u ba dɔ daŋni la.

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Nnyam 7:11

Le ubɔr ngbaan yin ni waalandam ni binyɔkdam, le bi mu di baanyɔk ŋa kina.

Nnyam 7:22

Ubɔr aanyɔkdam mu nan ŋa kina, le ubɔr ngbaan moo pɔɔk usui sakpen. Le ubɔr ngbaan nan yii, kaa ŋun tii Moses ni Aaronn, ke Uwumbɔr aah tuk bi ke ubɔr ngbaan aan kii ke binib ngbaan buen pu na.

Nnyam 8:7

Le binyɔkdam ngbaan mu nan cha ŋipulaatal nyan ni kitiŋ ngbaan ni.

Nnyam 9:11

Ubɔr aanyɔkdam na aa nan ki ŋmaa dan Moses aanimbiin ni; ba pu? biwon nan kpaln ŋichakpelar ki ŋa ibuun ke Ijipt yaab biken na.

Aisaya 19:3

M ban m bii Ijipt yaab aah kpokl pu na ki yɔl bitaakpab la. Bi ga buen ti bui baawaa ke ŋi ter bi, ki ga buen bipɔnijoob ni bitekpiib chee ke bi mɔk bi baah ga ŋa pu na.

Aisaya 29:14

Le m yaa cha tibɔbir tibaa jer kan, tiken ki fuu ni, le ni gar bi. Binib bi kpa nlan na ga kpaln bijɔrb, le baalan ngbaan ga bee fam.”

Aisaya 8:19

Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Daniel 1:20

Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 4:18

Le Ubɔrkpaan Nebukadnesar bui ke, “Tidaŋ ti m daŋ na le bi na. Tɔ, Beltesasar, tuk mi taatataa aah ye pu na. Maasusurb ubaa aa ŋmaa tuk mi taatataa, le aa ma ga ŋman, ba pu? Uwumbɔr u bi chain na Aafuur Nyaan bi aa chee.”

Daniel 4:19

Daniel, u bi ki yin u ke Beltesasar na, aah ŋun kina na, ijawaan nan chuu u sakpen, le waa ki ŋmaa len tibaa. Le ubɔr bui u ke, “Beltesasar, taa cha ijawaan chuu si, tidaŋ ngbaan pu.” Le Beltesasar gar u ke, “Mpɔɔndaan, m ba ga li gee sakpen ke tidaŋ timina ni taatataa li ye saadim yaan ki taa li ye sin yaan.

Daniel 4:5

Le m nan daŋ tidaŋ ki kan ijawaan aawan nibaa tidaŋ ngbaan ponn ni buyoonn m dɔ geen na.

Daniel 4:6

M nan cha bi ti yin ni Babiloŋ aabɔrchiln ni aasusurb mɔmɔk ke bi nan tuk mi tidaŋ ngbaan aatataa aah ye pu na.

Daniel 4:7

Le bibɔɔb, ni binib bimɔk joo inyɔk tun iwaan aatuln na mɔmɔk nan dan, le m nan tuk bi tidaŋ ngbaan, le baa nan ŋmaa kpiir taatataa mɔk mi.

Daniel 5:11

Uja ubaa bi saanaan ni ki kpa Uwumbɔr u bi chain na Aafuur Nyaan u ni. Aate aah nan ye ubɔr pu na, uja ngbaan nan mɔk waalan, ni ichiin ki kpa nlan ke ŋiwaa na. Le Ubɔrkpaan Nebukadnesar nan di u ŋa bibɔɔb, ni binib bimɔk joo inyɔk tun iwaan aatuln na aayidaan.

Daniel 7:28

Maah nan ŋmee pu bil na le na. Ijawaan nan chuu mi sakpen, le nwon yɔl, le m nan di tibɔr ngbaan mɔmɔk ŋa nsui ni.

Daniel 8:27

Tidaŋ ngbaan pu, le min Daniel aataakpab nan yɔl, le m nan buŋ ni ti yunn pam. Le m nan pɔɔk ki ki piin ki tun lituln li ubɔr nan di ŋa ŋŋaal ni na. Tidaŋ ngbaan nan gar mi pam, le maa bee taatataa.

Liifai Yaab 19:31

“Ni taa ban binib bi baa bitekpiib chee tibɔr na aasurm. Ni yaa ŋa kina kan, ni ga bii nibaa, kaan ki li bi chain. Min le ye Nidindaan Uwumbɔr.

Liifai Yaab 20:6

“Ubaa yaa buen bibɔɔb chee u ti ban nsurm bitekpiib chee kan, m ga daa utafal, waan ki li ye maanib ponn ni ubaa.

Habakuk 3:16

M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

Matiu 2:1

Bi nan ma Yesu, Betlehem aatiŋ ponn ni la, ki bi Judea aatiŋ ni na, n‑yoonn mu Herod ye ubɔr na. Baah ma Yesu na, le bilankpalb bibaa nyan ni liwipuul wɔb ki dan Jerusalem,

Lituln 17:18

Binib bibaa mu nan bi kitiŋ ngbaan ponn ni. Bi yin bibaa ke Epikurus aanib, ki yin bibaa mu ke Stoik aanib. Baah ŋun Pɔɔl aah len pu na, le bibaa baa tɔb, “Ulambidaan ngbaan len kinye?” Le bibaa mu bui ke bi dak ke u len ŋiwaa yayan ŋibaa aabɔr la. Pɔɔl ma nan bi len Yesu aabɔnyaan, ke u fikr nkun ni.

Lituln 7:22

Le bi mɔk u Ijipt yaab aalan aabɔŋ aabɔŋ. Le u kpaln unii u nyi tibɔr na, ki tun lituln li kpa liyimbil na.

1 Korenti 1:19

Ni ŋmee Uwumbɔr Aagbaŋ ponn ni ke uma Uwumbɔr bui ke, “M ga cha bilankpalb aalan bee yɔli, m ga yii binibiwolm aalan.”

1 Samuel 6:2

le binib ngbaan yin ni bitotoorb, ni binib bi joo inyɔk tun lituln na, ki nan baa bi ke, “Ti ga ŋa Uwumbɔr Aakaal Aadakaa ngbaan kinye? Ti yaa di u ke ti di giin waah nyan ni nin chee na kan, ti ga di ba kpee u pu ki di u giin?”