Mpiin 41:52 - Uwumbɔr aagbaŋ

⁵² U nan ki bui ke, “Uwumbɔr le tii mi mbim limukl aatiŋ ni,” nima pu le u nan ki yin lelee aabo ke Efraim.

Mpiin 41:52 Iomraidhean Croise

Mpiin 17:6

M ga tii si yaabitiib pam, le ngem ga li ye bibɔrb. Aa ga li kpa yaabitiib sakpen, le bi ga ŋa ŋitimbol pam.

Mpiin 28:3

Uwumbɔr Mpɔɔnsakpiindaan ŋa tinyoor ŋa aa ni aapuu pu, ki cha ni maa pɔr sakpen, nima kan, aa ga li ye ŋitimbol pam aate.

Mpiin 41:51

U nan bui ke, “Uwumbɔr cha m suln maafalaa, ni nte do yaab aabɔr a.” Nima pu na, u nan yin njan aabo ke Manase.

Mpiin 41:53

Le ŋibin ŋilole ŋi ponn ni tijikaar nan gbii sakpen na nan jer,

Mpiin 48:1

N‑yoonn mubaa bi nan tuk Josef ke ute buŋ. Nima pu le u nan yoor ujapɔtiib bilee, Manase ni Efraim, le bi buen bi ti mann ute Jakob.

Mpiin 48:14

Le Jakob aah ban u mee tinyoor ŋa bi pu na, le u di uŋaal punn ki di paan bi pu, le ki di uŋangii paan Efraim, uwaatiir pu, ki di uŋangan paan Manase, upol pu,

Mpiin 48:5

Jakob nan ki bui u ke, “Josef, saabim mulee mu aa ma Ijipt aatiŋ ni do aan m nin fuu ni na, min le yeh bi. Efraim ni Manase mu ye maabim le ke Rubenn ni Simeonn aah ye pu na.

Mpiin 49:22

Sin Josef, aa naahn busub bu si gbɔk nnyunbun ki lu ŋisubil sakpen na la, le aayaabitiib ga li wiir ki yaa buen ni mɔmɔk.

Mpiin 50:23

U nan bi ki kan ujapɔɔn Efraim aabim ni uyaabisɔsɔk. U nan ki kan uyaabil Makir, u ye Manase aajapɔɔn na aabim mu.

Amos 6:6

Ni nyu ndaan tiyikur ti wiir na ponn ni, ki ŋani tulalee tiib bi nu mɔ sakpen na, kaa tee wii Israel aah ga bii pu na aakpowiil.

Nkahm 26:28

Josef u nan ye Manase ni Efraim aate na aanibol ponn ni:

Lituln 7:10

ki ter u, ki nyan u waafalaa mɔmɔk ponn ni. N‑yoonn ngbaan Faro nan ye Ijipt aatiŋ aabɔr. Le Uwumbɔr tii Josef nlan, ki cha Faro gee waabɔr. Le Faro di u ŋa kitiŋ ngbaan aayidaan, ni waachiln aayidaan.

Josua 16:4

Le Josef aamaal mu nan ye Efraim, ni Manase aanibol ligeln na gaa kitiŋ kee, ke ki li ye baatiŋ.

Josua 17:1

Bi nan di kitiŋ ngbaan aapepel li bi Jɔɔdann Aamɔɔl aawilir wɔb na tii Josef aajapɔpol u bi nan yin u ke Manase na aanibol ligeln libaa aamaal. Gilead aate u bi nan yin u ke Makir na, uma le nan ye Manase aajapɔpol, u nan ye uja u ŋmaa to likumbool na la, nima pu na, Gilead aatiŋ, ni Basann aatiŋ ki nan bi Jɔɔdann Aamɔɔdapuul liwipuul wɔb na le bi nan di tii u,

1 Samuel 1:20

Kina pu na, ni nan ye le ke u di dek, ki maa ubijabo. U nan yin u ke Samuel, le ki kpiir len ke, “M mee u Uwumbɔr chee la.”